സി എന് എ-
കൊച്ചി:
ഹാരിസ് മണ്ണഞ്ചേരി, നീനാ കുറുപ്പ് എന്നിവരെ പ്രധാന കഥാപാത്രങ്ങളാക്കി അഡ്വക്കേറ്റ് സനീഷ് കുഞ്ഞുകുഞ്ഞ്, അഭിലാഷ് രാമചന്ദ്രന് എന്നിവര് ചേര്ന്ന് സംവിധാനം ചെയ്യുന്ന 'കനകം മൂലം' എന്ന വെബ് സിനിമയുടെ രണ്ടാമത്തെ ട്രെയ്ലര് റിലീസായി.
പുതുമുഖങ്ങളായ സുനില് കളത്തൂര്, ജഗദീഷ് തേവലപ്പറമ്പ്, ബിനോയ് പോള്, കെ. ജയകൃഷ്ണന്, പ്രദീപ് കെ. എസ്. പുരം, മുഹമ്മദ് സാലി, നിരീഷ് ഗോപാലകൃഷ്ണന്, ഐശ്വര്യ അനില്, സൂര്യ സുരേന്ദ്രന് എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
തിരുമഠത്തില് ഫിലിംസ് പ്രൈവറ്റ് ലിമിറ്റഡിന്റെ ബാനറില് ബേബി മോള് നിര്മ്മിക്കുന്ന ഈ ചിത്രത്തിന്റെ തിരക്കഥ, സംഭാഷണം സനീഷ് കുഞ്ഞുകുഞ്ഞ് എഴുതുന്നു.
പണയത്തട്ടിപ്പു നടത്തിയതിന് പൊലീസ് പിടികൂടി കോടതിയിലെത്തിച്ച സുമുഖന് എന്ന കള്ളനില് നിന്നാണ് കഥ ആരംഭിക്കുന്നത്.
മോഷ്ടിച്ച മാല സ്വര്ണമാണെന്നു കരുതി പണയം വയ്ക്കാന് ശ്രമിച്ച സുമുഖനെ പൊലീസ് കോടതിയിലെത്തിയതോടെ കഥയാകെ മാറി മറിഞ്ഞു. തുടര്ന്ന് പൊലീസ് നടത്തുന്ന അന്വേഷണത്തില് സുമുഖന് തുടങ്ങിവെച്ച കഥ വലിയൊരു തട്ടിപ്പിന്റെ കഥയാണ് പുറത്തു കൊണ്ടുവരുന്നത്.
'കടുംകാപ്പി' എന്ന ഹ്രസ്വചിത്രത്തിലൂടെ ഏറെ ശ്രദ്ധേയനായ ലിബാസ് മുഹമ്മദ് ഛായാഗ്രഹണം നിര്വ്വഹിക്കുന്നു. എഡിറ്റര്- അമല് രാജു, അഭിജിത്ത് ഉദയകുമാര്.
രണ്ടു കള്ളന്മാരും പരാതിയില്ലാത്ത ഒരു കേസുമായി പൊലീസിനെ വട്ടം ചുറ്റിച്ച ഒരു അന്വേഷണത്തിന്റെ കഥ പറയുന്ന കനകം മൂലം എന്ന വെബ് സിനിമ ജൂണ് 19 ന് റൂട്ട്സ് വിഡിയോ എന്ന ഒ.ടി.ടി പ്ലാറ്റ്ഫോമില് റിലീസ് ചെയ്യുന്നു. വാര്ത്ത പ്രചരണം- എ എസ് ദിനേശ്.
Online PR - CNA.