സി എന് എ-
കൊച്ചി:
നാടകകൃത്തും നടനും ചലച്ചിത്ര പ്രവര്ത്തകനുമായ എ. ജി. രാജന് സംവിധാനം ചെയ്യുന്ന 'കണ്ണാടി' എന്ന സിനിമയില് സിദ്ദിഖ് കേന്ദ്രകഥാപാത്രത്തെ അവതരിപ്പിക്കുന്നു.
സായികുമാര്, ശ്രീരാമന്, മണികണ്ഠന് പട്ടാമ്പി, വെട്ടുകിളി പ്രകാശ്, ബാലന് പാറക്കല്, കനവ് സുരേഷ്, രചന നാരായണന്കുട്ടി, സോനാനായര്, പൊന്നമ്മ ബാബു എന്നിവരോടൊപ്പം നാടകരംഗത്തെ പ്രമുഖരും 'കണ്ണാടി'യില് അണിനിരക്കും.
സ്നേഹത്തിന്റെയും സൗഹൃദത്തിന്റെയും ബന്ധങ്ങളുടെയും കഥപറയുന്ന നന്മയുള്ള ചിത്രമായിരിക്കും 'കണ്ണാടി'യെന്ന് സംവിധായകന് എ.ജി. രാജന് പറഞ്ഞു. നടുവട്ടം പ്രൊഡക്ഷന്സിന്റെ ബാനറില് ആന്റണി നടുവട്ടം നിര്മ്മിക്കുന്ന കണ്ണാടിയുടെ ചിത്രീകരണം ഫെബ്രുവരി 20ന് പാലക്കാട് ആരംഭിക്കും.
അടൂര് ഗോപാലകൃഷ്ണന്റെയും ടി.വി. ചന്ദ്രന്റെയും അസിസ്റ്റന്റായിരുന്ന മുഹമ്മദ് കുട്ടിയാണ് 'കണ്ണാടി'യുടെ തിരക്കഥയെഴുതുന്നത്. ഛായാഗ്രഹണം- ഉത്പല് വി നായനാര് നിര്വഹിക്കുന്നു. ശ്രീകുമാരന് തമ്പി, പി കെ ഗോപി, മുരുകന് കാട്ടാക്കട എന്നിവരുടെ വരികള്ക്ക് സതീഷ് വിനോദ് സംഗീതമൊരുക്കുന്നു. എഡിറ്റിംഗ്- സിയാന് ശ്രീജിത്, പ്രൊഡക്ഷന് കണ്ട്രോളര്- സിന്റോ.