സി എന് എ-
കൊച്ചി:
ജയരാജ് സംവിധാനം ചെയ്തിരിക്കുന്ന നവരസ സീരീസിലെ, ദേശീയസംസ്ഥാന ചലച്ചിത്ര പുരസ്കാരങ്ങള് ഉള്പ്പടെ ഒട്ടനേകം പുരസ്കാരങ്ങള് നേടിയ, മികച്ച ചിത്രമാണ് 'കരുണം'.
വൃദ്ധരായ മാതാപിതാക്കളെ പരിചരിക്കുവാന് സമയം ഇല്ലാതെ തിരക്കുകളില് മുഴുകുന്ന പുതിയ തലമുറയുടെ കഥയാണ് ചിത്രം. 'കരുണ'ത്തില് ബിജു മേനോന്, ഏലിയാമ്മ, മാടമ്പ് കുഞ്ഞുകുട്ടന്, വാവച്ചന്, ലെന എന്നിവരാണ് പ്രധാന വേഷങ്ങള് ചെയ്തിരിക്കുന്നത്.
2001ല് ഗോള്ഡന് പീകോക്ക് അവാര്ഡ് നേടിയ 'കരുണം' 1999ല് കേരള സംസ്ഥാന ചലച്ചിത്ര പുരസ്കാരവും മികച്ച തിരക്കഥയ്ക്കുള്ള ദേശീയ പുരസ്കാരവും നേടി. 2000ല് സ്പെഷ്യല് ജൂറി പരാമര്ശം, ഫിലിംഫെയര് അവാര്ഡ്, പദ്മരാജന് അവാര്ഡ്, ജോണ് എബ്രഹാം അവാര്ഡ് തുടങ്ങിയവ നേടി മികച്ച സ്വീകാര്യത ലഭിച്ച ചിത്രമാണ് 'കരുണം'. 2001 ബെര്ലിന് ഇന്റര്നാഷണല് ഫിലിം ഫെസ്റ്റിവലില് ഡോണ് ക്വിക്സോട്ട് അവാര്ഡും ഹ്യൂമണ് റൈറ്റ്സ് വാച്ച് ഫിലിം ഫെസ്റ്റിവലിലും ഡര്ബന് ഇന്റര്നാഷണല് ഫിലിം ഫെസ്റ്റിവലിലും മികച്ച പ്രതികരണങ്ങളും ചിത്രം നേടിയിരുന്നു.
ഒമ്പത് രസങ്ങളെ അടിസ്ഥാനമാക്കിയുള്ള ഒമ്പത് സിനിമകള് ഉള്പ്പെടുന്നതാണ് ജയരാജിന്റെ നവരസ സീരീസ്. 'കരുണം' 99 രൂപക്ക് റൂട്സ് വീഡിയോയിലൂടെ പ്രേക്ഷകര്ക്ക് കാണാവുന്നതാണ്.
Online PR - CNA.