Editor - MM Kamath
കൊച്ചി:
'കാറ്റ് വിതച്ചവര്‍' ആക്ഷന്‍ പ്രൈം ഒ ടി ടി യിലൂടെ വേള്‍ഡ് വൈഡ് ആയി പ്രേക്ഷകര്‍ക്ക് മുന്നില്‍ എത്തി.
1976ല്‍ അടിയന്തരാവസ്ഥക്കാലത്ത് കാണാതായ എന്‍ജിനീയറിംഗ് വിദ്യാര്‍ത്ഥി രാജനെ കണ്ടെത്തുവാന്‍ പോലീസിനെതിരെ പോലീസ് നടത്തിയ അന്വേഷണത്തിന്റെ കഥയാണ് 'കാറ്റ് വിതച്ചവര്‍'.
രാജന്‍ സംഭവം പോലെ കേരളത്തെ ഇളക്കിമറിച്ച മറ്റൊരു സംഭവം അതിനു മുന്‍പോ പിന്‍പോ ഉണ്ടായിട്ടില്ല. അവസാനിക്കാത്ത ദുരൂഹതകളുമായി 45 വര്‍ഷത്തിനുശേഷവും രാജന്‍ന്റെ തിരോധാനം കേരള മനസ്സാക്ഷിയെ നൊമ്പരപ്പെടുത്തുന്നു.
'ഫിംഗര്‍ പ്രിന്റ്', 'ഗാര്‍ഡിയന്‍' എന്നീ മികച്ച കുറ്റാന്വേഷണ ചിത്രങ്ങള്‍ ഒരുക്കിയ പ്രൊഫസര് സതീഷ് പോള്‍ തിരക്കഥയെഴുതി സംവിധാനം ചെയ്ത ചിത്രം കൂടിയാണ് 'കാറ്റ് വിതച്ചവര്‍'.
ഏറ്റവും മികച്ച അനേഷണാത്മക ചിത്രത്തിനുള്ള കേരള സ്‌റ്റേറ്റ് ഫിലിം ക്രിട്ടിക്‌സ് അവാര്‍ഡും ഈ ചിത്രത്തിന് ലഭിച്ചു. മലയാളത്തിലെ ഏറ്റവും മികച്ച ഡോക്യൂഫിക്ഷന്‍ ചിത്രങ്ങളില്‍ ഒന്നായും 'കാറ്റു വിതച്ചവര്‍' കണക്കാക്കപ്പെടുന്നു.
പ്രകാശ് ബാരെയും ടിനി ടോമും ആണ് പ്രധാന കഥാപാത്രങ്ങളെ അവതരിപ്പിക്കുന്നത്. ഓറിയന്റല്‍ ഫിലിം ഇന്‍സ്റ്റിറ്റിയൂട്ടിന്റെ ബാനറില്‍ അഡ്വ: ഷിബു കുര്യാക്കോസ്, ഷിബു ഏദന്‍സ്, സുരേഷ് അച്ചൂസ് എന്നിവരാണ് ചിത്രം നിര്‍മ്മിച്ചത്. വാര്‍ത്ത പ്രചരണം- എഎസ് ദിനേശ്.
CLICK HERE TO LOG ON ACTION
Online PR - CinemaNewsAgency.Com
