സി എന് എ-
കൊച്ചി:
ബഹുഭൂരിപക്ഷം യുവാക്കളും ആഗ്രഹിക്കുന്നതുപോലെ സ്വന്തമായി ഒരു ബിസിനസ് സംരംഭം സ്വപ്നം കാണുകയും അതിനുവേണ്ടി പ്രയത്നിക്കുകയും ചെയ്യുന്ന ഐടി പ്രൊഫഷണലുകളായ രണ്ട് ചെറുപ്പക്കാരാണ് ബി ബിന്ദാസും ബിബിന് വിജയും. ബാല്യത്തില് അധ്യാപകരും സഹപാഠികളും ചേര്ന്ന് ചാര്ത്തിക്കൊടുത്ത ദാസനും വിജയനും എന്ന തലക്കെട്ടില് അവര് പോലും അറിയാതെയാണ് ഉറ്റ ചങ്ങാതിമാരായത്. പിന്നീടങ്ങോട്ട് കാലഘട്ടം കൊണ്ടുവന്ന പ്രതിസന്ധികളെല്ലാം തരണം ചെയ്തു ലക്ഷ്യത്തിലെത്താന് അവര് നിരന്തരം നടത്തുന്ന ശ്രമങ്ങള്ക്കിടയില് ഉണ്ടാകുന്ന സംഘര്ഷങ്ങളും അബദ്ധങ്ങളും സന്തോഷവും നര്മ്മവും ഒക്കെ ചേര്ന്നതാണ് ഖാലി പേഴ്സ് ഓഫ് ബില്യണേഴ്സ്. അങ്ങനെയിരിക്കെ കരാട്ടെക്കാരിയായ ഒരു പെണ്കുട്ടി അവരുടെ ജീവിതത്തിലേക്ക് കടന്നു വന്നു. തുടര്ന്നുണ്ടാകുന്ന സംഭവവികാസങ്ങള് മനോഹരമായി കോര്ത്തിണക്കുകയാണ് 'ഖാലിപേഴ്സ്'. ധ്യാന് ശ്രീനിവാസന്, അജു വര്ഗീസ്, തന്വി റാം, സിദ്ദിഖ്, ധര്മ്മജന്, ഇടവേളബാബു, സോഹന് സീനുലാല്, മേജര് രവി, അഹമ്മദ് സിദ്ദിഖ്, ജോണി ആന്റണി, രമേഷ് പിഷാരടി, അലന്സിയര്, ലെന, സരയൂ, നീനാ ക്കുറുപ്പ് എന്നിവരാണ് പ്രധാന അഭിനേതാക്കള്. മാക്സ്വെല് ജോസ് തിരക്കഥയെഴുതി സംവിധാനം ചെയ്യുന്ന 'ഖാലി പേഴ്സിന്റെ ചിത്രീകരണം ഇന്ന് എറണാകുളത്ത് ആരംഭിച്ചു. റോയല് ബഞ്ചാ എന്റെര്ടൈന്മെന്റിന്റെ ബാനറില് അഹമ്മദ് റുബിന് സലിം, അനു ജൂബി ജയിംസ്, നഹാസ് എം. ഹസന് എന്നിവര് ചേര്ന്നാണ് നിര്മ്മിക്കുന്നത്.
ക്യാമറ സന്തോഷ് അനിമ, എഡിറ്റിംഗ്- നൗഫല് അബ്ദുള്ള, പ്രൊഡക്ഷന് കണ്ട്രോളര്- സജി പുതുപ്പള്ളി, കലാസംവിധാനം- അസീസ് കരുവാരകുണ്ട്, മേക്കപ്പ്- മീര മാക്സ്, കോസ്റ്റ്യൂം മൃദുല, മ്യൂസിക്- പ്രകാശ് അലക്സ്, ഗാനരചന- അനില് ലാല്, അസോസിയേറ്റ് ഡയറക്ടര്- അമ്പ്രോവര്ഗീസ്, സ്റ്റില് ഷെറിന് എബ്രഹാം, പ്രൊഡക്ഷന് എക്സിക്യൂട്ടീവ്- എസ്സാന്, പിആര്ഒ- വാഴൂര് ജോസ്.