CNA
കൊച്ചി:
അന്തരിച്ച പ്രശസ്ത തിരക്കഥാകൃത്തും സംവിധായകനുമായ ഡെന്നീസ് ജോസഫിന്റെ മകള് എലിസബത്ത് ഡെന്നീസിന്റെ തിരക്കഥയില്, പ്രശസ്ത സംഗീത സംവിധായകന് എസ് പി വെങ്കിടേഷ് ഒരിടവേളയ്ക്കു ശേഷം സംഗീതം പകരുന്ന 'കിട്ടിയാല് ഊട്ടി' എന്ന മ്യൂസിക് വീഡിയോ സൈന മ്യൂസിക്കിലൂടെ റിലീസ് ചെയ്തു.
ഊട്ടിയിലെ ഒരു വിക്ടോറിയന് കോട്ടേജിനുള്ളിലെ ഷൂട്ടിംഗ് ലൊക്കേഷനിലേക്ക് കൊച്ചിയില് നിന്നും വിളിച്ചു വരുത്തിയ അഭിനയമോഹിയായ പെണ്കുട്ടിയെ അഭിനയിപ്പിക്കാന് പറ്റാതെ രണ്ടു സംവിധാനസഹായികള് പറഞ്ഞു വിടുന്നിടത്താണ് 'കിട്ടിയാല് ഊട്ടി' ആരംഭിക്കുന്നത്. അതേസമയം അവിടേയ്ക്ക് വരുന്ന സംവിധായകന്, യഥാര്ത്ഥ നായിക അവളാണന്ന് തെറ്റിദ്ധരിക്കുന്നു. എന്നാല് അസിസ്റ്റന്റ് തെരഞ്ഞെടുത്ത നായിക അടുത്ത ദിവസത്തെ ഷൂട്ടിംഗിലേക്ക് തയ്യാറെടുക്കുന്നു. ആ തെറ്റിദ്ധാരണയുടെ ഒരു ദിവസമാണ് മ്യൂസിക് വീഡിയോയിലൂടെ തിരക്കഥാകൃത്തും സംവിധായകനും അവതരിപ്പിക്കുന്നത്. മലയാളി മനസ്സുകളില് മായാതെ തങ്ങി നില്ക്കുന്ന കിലുക്കത്തിലെ 'കിട്ടിയാല് ഊട്ടി' എന്ന ഡയലോഗ് വീഡിയോയുടെ ടൈറ്റില്. കഥയുടെ പശ്ചാത്തലം തന്നെയാണ് ഈ ടൈറ്റിലിനുള്ള പ്രാധാന്യം.
സ്റ്റുഡന്്റ് വിസയിലും മറ്റും നാടുവിടുന്ന എണ്ണമറ്റ മലയാളി യുവതലമുറയുടെ വിഷയം ചര്ച്ച ചെയ്ത ഒടിടി ചിത്രമായ 'ദി പ്രൊപ്പോസലി'ന്റെ സംവിധായകന് ജോ ജോസഫാണ് 'കിട്ടിയാല് ഊട്ടി' കഥയെഴുതി സംവിധാനം ചെയ്യുന്നത്.
എസ് പി വെങ്കിടേഷ് തന്നെയാണ് പശ്ചാത്തലസംഗീതവും ഒരുക്കുന്നത്. ഏഴു മിനിറ്റ് ദൈര്ഘ്യമുള്ള ഈ വീഡിയോ ഗാനം ഊട്ടിയിലും വിദേശത്തുമായാണ് ചിത്രീകരിച്ചത്. സംവിധായകനായ ജോ ജോസഫ് തന്നെയാണ് നായക കഥാപാത്രത്തെ അവതരിപ്പിക്കുന്നത്. അമര രാജ, ക്ലെയര് സാറ മാര്ട്ടിന്, അനുമോദ് പോള്, സുഹാസ് പാട്ടത്തില്, അളഗ റെജി എന്നിവരാണ് മറ്റ് താരങ്ങള്.
സൂസന് ലൂംസഡന് ഛായാഗ്രഹണം നിര്വ്വഹിക്കുന്നു. വിനായക് ശശികുമാര് ഗാനരചന നിര്വഹിച്ചിട്ടുള്ളത്. ആലാപനം- ശ്രീകാന്ത് ഹരിഹരന്, എഡിറ്റര്- പ്രിന്സ് സാഗര്, നിര്മ്മാണം-സില്വര് ക്ലൗഡ് പിക്ചേഴ്സ്.
'മാണിക്ക മാട്ടരം'എന്ന പേരില് തമിഴിലും ഈ വീഡിയോ ഗാനം റിലീസ് ചെയ്യും.
Online PR - CinemaNewsAgency.Com