സി എന് എ-
കൊച്ചി:
മിമിക്രി കലാ രംഗത്ത് മൂന്നു പതിറ്റാണ്ട് പൂര്ത്തിയാക്കിയ കോട്ടയം നസീറിനെ കലാഭവന്മണി സേവന സമിതി ഏര്പ്പെടുത്തിയ 'കലാഭവന്മണി പുരസ്കാരം' നല്കി ആദരിച്ചു.
എറണാകുളം YMCA ഹാളില് വെച്ച് നടന്ന ചടങ്ങില് ജസ്റ്റിസ് ബി. കമാല് പാഷ ഫലകവും, കെ.എസ് പ്രസാദ് പൊന്നാടയും നല്കി കോട്ടയം നസീറിനെ ആദരിച്ചു.
കലാഭവന് മണി ജീവിച്ചിരിക്കുമ്പോള് അദ്ദേഹത്തിന്റെ അനുമതിയോടെ തുടങ്ങിയതാണ് കലാഭവന് മണി സേവന സമിതി. അദ്ദേഹത്തിന്റെ വിയോഗത്തിനു ശേഷം ആണ് കലാഭവന് മണി മെമ്മോറിയല് അവാര്ഡ് കമ്മിറ്റി രൂപീകരിച്ചത്. നിരവധി ജീവകാരുണ്യ പ്രവര്ത്തനങ്ങള് ചെയ്തു വരുന്ന ഈ സമിതി ഇപ്പോള് കഴിവുള്ള കലാകാരന്മാരെ ആദരിക്കുകയും ചെയ്യുന്നു.
ചടങ്ങില് സമിതി ചെയര്മാന് അജില് മണിമുത്ത്, അവാര്ഡ് കമ്മിറ്റി അംഗമായ ഇസ്മായില് കൊട്ടാരപ്പാട്ട്, ഉമ്മര് നിസാര്, മാസ്റ്റര് എം. ദര്ശന് എന്നിവര് സംസാരിച്ചു.