സി എന്‍ എ-
കൊച്ചി:
J Pic മൂവീസിന്റെ ബാനറില്‍ VG ജയകുമാര്‍ നിര്‍മ്മിച്ച് നവാഗതരായ ജിനോയ് ജിബിറ്റ് സംവിധാനം ചെയ്ത 'കോഴിപ്പോര്' എന്ന ചിത്രം ആമസോണ്‍ പ്രൈമില്‍ ഓവര്‍സീസ് (Out of India) റിലീസ് ചെയ്തു.
2020 മാര്‍ച്ച് 6 ന് തിയേറ്ററുകളില്‍ റിലീസ് ചെയ്ത ചിത്രം, മികച്ച പ്രേക്ഷക പ്രതികരണവുമായി മുന്നേറുന്നതിനിടെ Covid - 19 കാരണം ലോക്ഡൗണില്‍ തിയേറ്ററുകള്‍ അടച്ചിട്ടതിനാല്‍ പ്രദര്‍ശനം നിര്‍ത്തിവെക്കുകയായിരുന്നു.
ഇന്ദ്രന്‍സ്, പൗളി വത്സന്‍, ജോളി ചിറയത്ത്, വീണ നന്ദകുമാര്‍, നവജിത് നാരായണന്‍, ജിനോയ് ജനാര്‍ദ്ദനന്‍, സോഹന്‍ സീനുലാല്‍ തുടങ്ങിയവര്‍ പ്രധാന വേഷത്തിലെത്തിയ ചിത്രത്തില്‍ അഞ്ജലി നായര്‍, പ്രവീണ്‍ ടി.ജെ, ജിബിറ്റ് ജോര്‍ജ്, ഷൈനി സാറാ, സരിന്‍, ശങ്കര്‍ ഇന്ദുചൂഡന്‍, അസീസ് നെടുമങ്ങാട്, മേരി എരമല്ലൂര്‍, രശ്മി അനില്‍, ബിറ്റോ ഡേവിസ്, വിനീത് ഇടക്കൊച്ചി, നന്ദിനി ശ്രീ, ബേബി സമീക്ഷ, മാസ്റ്റര്‍ അര്‍ഷിത്, സന്തോഷ് എന്നിവര്‍ മറ്റ് വേഷങ്ങള്‍ കൈകാര്യം ചെയ്തിരിക്കുന്നു.
ചിത്രത്തിന്റെ തിരക്കഥ ജിനോയ് ജനാര്‍ദ്ദനന്‍, ക്യാമറ- രാഗേഷ് നാരായണന്‍, എഡിറ്റര്‍- അപ്പു ഭട്ടതിരി, മ്യൂസിക് & BGM ബിജിബാല്‍, ആര്‍ട്ട്- മനുജഗദ്, ഗാനരചന- വിനായക് ശശികുമാര്‍, സൗണ്ട് ഡിസൈന്‍- ഷെഫിന്‍ മായന്‍, കോസ്റ്റ്യൂം- അരുണ്‍ രവീന്ദ്രന്‍, DI കളറിസ്റ്റ്- മുത്തുരാജ്, ഡിസൈന്‍സ്- ഷിബിന്‍ സി ബാബു, പി ആര്‍ ഓ- എ. എസ്. ദിനേശ്.
വൈക്കം വിജയലക്ഷ്മി, ആന്‍ ആമി, ബിജിബാല്‍, ഉദയ് നാരായണന്‍ തുടങ്ങിയവരാണ് ചിത്രത്തിലെ ഗാനങ്ങള്‍ ആലപിച്ചിരിക്കുന്നത്.
ആമസോണ്‍ പ്രൈം ഉടന്‍ ഇന്ത്യയിലും ചിത്രം റിലീസ് ചെയ്യുന്നതാണ്.
