സി എന് എ-
കൊച്ചി:
സംക്രാന്തി പ്രമാണിച്ചു തെലുങ്കില് പ്രദര്ശനത്തിനെത്തി വന് വിജയം നേടിയ ചിത്രമാണ് 'ക്രാക്ക്'. കൊറോണക്ക് ശേഷം തെലുങ്ക് സിനിമാ വേദിക്ക് ഉണര്വേകിയ ആദ്യ ചിത്രം.
ഒരു സംഭവ കഥയുടെ പാശ്ചാത്തലത്തിലുള്ള പ്രമേയമാണ് 'ക്രാക്ക്'. മാസ്സും ഗ്ലാമറും സമ്മിശ്രമായി ചേരുംപടി ചേര്ത്ത എന്റര്ടൈനര് സിനിമ. 'മാസ്സ് മഹാരാജാ' എന്ന് ആരാധകര് വിശേഷിപ്പിക്കുന്ന രവി തേജയാണ് നായകന്.
ഗോപിചന്ദ് മലിനേനി രചനയും സംവിധാനവും നിര്വഹിച്ച 'ക്രാക്കില് രവി തേജയുടെ ജോഡി ശ്രുതി ഹാസനാണ്.
തമിഴിലെ അഭിനേതാക്കളായ വരലക്ഷ്മി ശരത്കുമാര്, സമുദ്രക്കനി, സ്റ്റണ്ട് ശിവ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
തമന് സംഗീത സംവിധാനം നിര്വഹിച്ചിരിക്കുന്നു. സരസ്വതി ഫിലിം ഡിവിഷന്റെ ബാനറില് ബി. മധു നിര്മ്മിച്ച 'ക്രാക്ക്' ഫെബ്രുവരി ആദ്യ വാരം മലയാളത്തില് ഡബ്ബ് ചെയ്തു കേരളത്തില് പ്രദര്ശനത്തിന് എത്തും.
പല മാസങ്ങള്ക്ക് ശേഷം തിയറ്ററുകളില് ഉത്സവ പ്രതീതി സൃഷ്ടിക്കാനും ബംബര് ഹിറ്റായി തെലുങ്കിലെ പല മുന്നിര നായകന്മാരടേയും കളക്ഷന് റെക്കോഡുകള് തകര്ക്കാനും ഈ ചിത്രത്തിന് കഴിഞ്ഞു എന്നതു ശ്രദ്ധേയമാണ്. തിയറ്ററില് ഇപ്പോഴും തിരക്കേറികൊണ്ടിരിക്കുന്നതിനാല് ചിത്രത്തിന്റെ ഒ ടി ടി റിലീസിങ് നീട്ടി വെച്ചതായും നിര്മ്മാതാവ് പറഞ്ഞു.
പിആര്ഒ- സി. കെ. അജയ് കുമാര്.