CNA
കൊച്ചി:
കാലം മാറുന്നതോടെ എല്ലാ രംഗത്തും മാറ്റങ്ങള് കടന്നു വരുന്നു.
പുതിയ പുതിയ കണ്ടു പിടുത്തങ്ങളും ഉണ്ടാകുന്നു. ഈ കണ്ടുപിടുത്തങ്ങളും ടെക്നോളജികളും മനുഷ്യജീവിതത്തിന്റെ സ്വകാര്യകതകള്ക്ക് എങ്ങനെ വെല്ലുവിളികള് തീര്ക്കുന്നു എന്നതാണ് 'കുടുക്ക് 2025' എന്ന ചിത്രത്തിലൂടെ അവതരിപ്പിക്കുന്നത്.
എസ്.വി. കൃഷ്ണ ശങ്കറിന്റെ ബാനറില് ബിലഹരി തിരക്കഥ രചിച്ച് സംവിധാനം ചെയ്യുന്ന ഈ ചിത്രത്തിന്റെ നിര്മ്മാണ പ്രവര്ത്തനങ്ങള് പൂര്ത്തിയായിരിക്കുന്നു.
കുറച്ചു സാധാരണക്കാരായ മനുഷ്യരിലൂടെ ഈ വിഷയം പ്രേഷകരികിലേക്ക് എത്തിക്കുവാനാണ് സംവിധായകനായ ബിലഹരിയുടെ ശ്രമം.
മാരന് എന്ന ചെറുപ്പക്കാരന്റേയും അവന്റെ ചുറ്റുള്ള ചിലരുടെ ജീവിതവും അവര്ക്കു നേരിടേണ്ടി വരുന്ന ചില പ്രശ്നങ്ങളുമാണ് ഈ ചിത്രത്തിലൂടെ ചൂണ്ടിക്കാണിക്കുന്നത്.
മനഷ്യ ജീവിതവുമായി ഏറെ ബന്ധമുള്ള മുഹൂര്ത്തങ്ങള് കോര്ത്തിണക്കി പൂര്ണ്ണമായും കൊമേഴ്സ്യല് എന്റര്ടൈനറായിട്ടാണ് ഈ ചിത്രത്തെ അവതരിപ്പിക്കുന്നത്.
ചിത്രത്തിന്റെ ഒരു ഘട്ടത്തില് മിസ്റ്ററി തില്ലറിലേക്കു മാറുകയും ക്ലൈമാക്സിലേക്കെത്തുമ്പോള് ആക്ഷന് ത്രില്ലറിന്റെ സ്വഭാവം കൈവരിക്കുകയും ചെയ്യുന്നു ഈ ചിത്രം.
മലയാളത്തില് ഇന്നുവരെ ചര്ച്ച ചെയ്യപ്പെടാത്ത ഒരു പ്രമേയം എന്നതു തന്നെ ഈ ചിത്രത്തെ വേറിട്ടു നിര്ത്തുന്നതും.
എസ്.വി. കൃഷ്ണ ശങ്കറാണ് കേന്ദ്രകഥാപാത്രത്തെ അവതരിപ്പിക്കുന്നത്. ഷൈന് ടോം ചാക്കോ, അജു വര്ഗീസ്, രലുനാഥ് പലേരി, ദുര്ഗാ കൃഷ്ണ, റാംമോഹന്, സാസ്വീക, എന്നിവരും പ്രധാന താരങ്ങളാണ്.
സംഗീതം- ഭൂമി, മണികണ്ഠന് അയ്യപ്പ, ഛായാഗ്രഹണം- അഭിമന്യു വിശ്വനാഥ്, എഡിറ്റിംഗ്- കിരണ് ദാസ്, പശ്ചാത്തല സംഗീതം- ഭൂമി, മുജീബ് മജീദ്, കലാസംവിധാനം- ഇന്ദു ലാല്, അനൂപ്.
ചമയം- സുനില് നാട്ടക്കല്, മുത്തലിബ്. വസ്ത്രാലങ്കാരം. ഫെമിന ജബ്ബാര്, സംഘട്ടനം- വിക്കി.
എസ്.വി.കെ., ബിലഹരി, ദീപ്തി റാം എന്നിവര് ചേര്ന്ന് നിര്മ്മിക്കുന്ന ഈ ചിത്രം ആഗസ്റ്റ് ഇരുപത്തിയഞ്ചിന് പ്രദര്ശനത്തിനെത്തുന്നു.
- വാഴൂര് ജോസ്.
Online PR - CinemaNewsAgency.Com