എഎസ് ദിനേശ്-
കൊച്ചി: :
ആസിഫ് അലിയെ പ്രധാന കഥാപാത്രമാക്കി മാത്തുക്കുട്ടി തിരക്കഥയെഴുതി സംവിധാനം ചെയ്യുന്ന 'കുഞ്ഞെല്ദോ'എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസായി.
'കല്ക്കി' ക്കു ശേഷം ലിറ്റില് ബിഗ് ഫിലിംസിന്റെ ബാനറില് സുവിന് കെ വര്ക്കി, പ്രശോഭ് കൃഷ്ണ എന്നിവര് ചേര്ന്നു നിര്മ്മിക്കുന്ന ഈ ചിത്രത്തില് പുതുമുഖം ഗോപിക ഉദയന് നായികയാവുന്നു.
സുധീഷ്, സിദ്ധിഖ്, അര്ജ്ജുന് ഗോപാല്, നിസ്താര് സേട്ട്, രാജേഷ് ശര്മ്മ, കോട്ടയം പ്രദീപ്, മിഥുന് എം ദാസ് തുടങ്ങിയവരാണ് മറ്റു പ്രമുഖ താരങ്ങള്.
കാമ്പസ്സ് പശ്ചാത്തലത്തില് പഠനകാലത്ത് വിദ്യാര്ത്ഥികള് കാണിക്കുന്ന കുരുത്തക്കേടുകളും കൂട്ടുക്കാര് തമ്മിലുണ്ടാകുന്ന രസകരമായ മുഹൂര്ത്തങ്ങളുമാണ് കളിയും കാര്യവുമായി ഈ ചിത്രത്തില് ദൃശ്യവല്ക്കരിക്കുന്നത്.
സ്വരുപ് ഫിലിപ്പ് ഛായാഗ്രഹണം നിര്വ്വഹിക്കുന്നു. സന്തോഷ് വര്മ്മ, അശ്വതി ശ്രീകാന്ത് എന്നിവരെ വരികള്ക്ക് ഷാന് റഹ്മാന് സംഗീതം പകരുന്നു. ക്രീയേറ്റീവ് ഡയറക്ടര്- വിനീത് ശ്രീനിവാസന്, ലൈന് പ്രൊഡ്യൂസര്- വിനീത് ജെ പൂല്ലുടന്, എല്ദോ ജോണ്.