സി എന് എ-
കൊച്ചി:
പൃഥ്വിരാജിനെ മുഖ്യ കഥാപാത്രമാക്കി നവാഗതനായ മനു വാര്യര് സംവിധാനം ചെയ്യുന്ന 'കുരുതി'യുടെ ഷൂട്ടിങ്ങ് നാളെ(Dec 9th) ആരംഭിക്കും. പൃഥ്വിരാജ് തന്റെ എഫ്ബി പോസ്റ്റിലൂടെയാണ് ഈ കാര്യം പുറത്തുവിട്ടത്.
പൃഥ്വിരാജ് പ്രൊഡക്ഷന്സിന്റെ ബാനറില് സുപ്രിയ മേനോന് ഒരുക്കുന്ന ഈ ചിത്രത്തില് പൃഥ്വിരാജിനോടൊപ്പം റോഷന് മാത്യൂ, ഷൈന് ടോം ചാക്കോ, മുരളി ഗോപി, മാമുക്കോയ, ശ്രിന്ദ, മണികണ്ഠന് ആചാരി, നവാസ് വള്ളിക്കുന്ന്, നെസ്ലന്, സാഗര് സൂര്യ തുടങ്ങിയവരും അഭിനയിക്കുന്നു.
അഭിനന്ദന് രാമാനുജം ഛായാഗ്രഹണം നിര്വഹിക്കുന്നു. റഫീഖ് അഹമ്മദ് എഴുതിയ വരികള്ക്ക് ജേക്സ് ബിജോയ് സംഗീതം പകരുന്നു. അനിഷ് പള്ളിയാല് കഥ ഒരുക്കുന്നു.
എഡിറ്റിംഗ്- അഖിലേഷ് മോഹന്, പ്രൊജക്റ്റ് ഡിസൈനര്- ഗോകുല് ദാസ്, പോസ്റ്റര്- ആനന്ദ് രാജേന്ദ്രന്, കോസ്റ്റ്യൂംസ്- ഇര്ഷാദ് ചെറുകുന്ന്, മേക്കപ്പ്- അമല്, ലൈന് പ്രൊഡ്യൂസര്- ഹാരിസ് ദേസം, സ്റ്റില്സ്- സിനറ്റ് സേവ്യര്, സൗണ്ട് എഡിറ്റ് & ഡിസൈന്- അരുണ് വര്മ, ഓഡിയോഗ്രഫി- രാജകൃഷ്ണന്, പ്രൊമോഷന്- പൊഫ്ഫാക്റ്റ്യോ, വാര്ത്ത പ്രചരണം- എ എസ് ദിനേശ്.