CNA
കൊച്ചി:
കെജിഎഫ് സ്റ്റുഡിയോ സിനിമാ നിര്‍മാണത്തിലേക്ക്. ഒരുപാട് കാലമായി കുറേയേറെ നല്ല സിനിമകളുടെ പിന്നണിയില്‍ പ്രവര്‍ത്തിച്ച കെജിഎഫ് സ്റ്റുഡിയോ ആദ്യമായി നിര്‍മിക്കുന്ന 'കുട്ടപ്പന്റെ വോട്ട്' എന്ന സിനിമയുടെ ടൈറ്റില്‍ പോസ്റ്റര്‍ പ്രശസ്ത ചലച്ചിത്ര താരങ്ങളുടെ സോഷ്യല്‍ മീഡിയ പേജിലൂടെ റിലീസ് ചെയ്തു.
മലയാളത്തിലെ പ്രമുഖ താരങ്ങളെ പ്രധാന കഥാപാത്രങ്ങളാക്കി അരുണ്‍ നിശ്ചല്‍ ടി തിരക്കഥ എഴുതി സംവിധാനം ചെയ്യുന്ന ഈ ചിത്രത്തിന്റെ ഛായാഗ്രഹണം
ഷാന്‍ ദേവു നിര്‍വ്വഹിക്കുന്നു.
സമൂഹത്തില്‍ ഒറ്റപെട്ടുപോയ കുട്ടപ്പന്റെ പ്രതികാരത്തിന്റെ കഥപറയുന്ന 'കുട്ടപ്പന്റെ വോട്ട്' സമൂഹത്തിനോടുള്ള വലിയൊരു ചോദ്യമാണ്.
കുട്ടപ്പന് കിട്ടിയ ഇന്‍സള്‍ട്ട് ആണ് അയാളുടെ ഇന്‍വെസ്റ്റ്‌മെന്റ്...
സുധാംശു എഴുതിയ വരികള്‍ക്ക് സുരേഷ് നന്ദന്‍ സംഗീതം പകരുന്നു.
ചിത്രസംയോജനം- കപില്‍ കൃഷ്ണ, പ്രൊഡക്ഷന് കണ്ട്രോളര്- വിനോദ് പറവൂര്‍, കല- എം കോയ, മേക്കപ്പ്- മനോജ് അങ്കമാലി, കോസ്റ്റ്യുംസ്- സൂര്യ, സ്റ്റില്‍സ്- ശ്രീനി മഞ്ചേരി, ഡിസൈന്‍- ശ്രീകുമാര്‍ എം എന്‍.
എറണാകുളം, കണ്ണൂര്‍ എന്നിവിടങ്ങളിലായി ഉടന്‍ ചിത്രീകരണം ആരംഭിക്കും.
2025 ഏപ്രില്‍ ആദ്യം 'കുട്ടപ്പന്റെ വോട്ട്' റിലീസിനൊരുങ്ങും.
പി ആര്‍ ഒ- എ എസ് ദിനേശ്.
Online PR - CinemaNewsAgency.Com
