അഞ്ജു അഷറഫ്‌-
കൊച്ചി :
വര്‍ഷങ്ങളായി പ്രശസ്ത സിനിമ നടിമാരുടെയും മോഡല്‍സിന്റെയും മേക്കപ്പ് ആര്‍ട്ടിസ്റ്റ് ആയി പ്രവര്‍ത്തിച്ചുകൊണ്ടിരുന്ന രഞ്ജു രഞ്ജിമാര്‍ സംവിധാനം ചെയ്യുന്ന 'കുട്ടിക്കൂറ' എന്ന സിനിമയുടെ ചിത്രീകരണം പൂര്‍ത്തിയായി. തെന്നിന്ത്യന്‍ സിനിമയില്‍ തന്നെ ഇത് ആദ്യമായിട്ടായിരിക്കും ഒരു ട്രാന്‍സ്‌ജെന്‍ഡര്‍ ആക്ടിവിസ്റ്റായ ഒരാള്‍ ചലച്ചിത്ര സംവിധാന രംഗത്ത് എത്തുന്നത്. കുട്ടിക്കാലത്ത് താന്‍ നേരിട്ട അനുഭവങ്ങളുടെ വെളിച്ചത്തിലാണ് സിനിമയുടെ തിരക്കഥ രൂപപ്പെടുത്തിയിരിക്കുന്നത്. കണ്ണീരിന്റെ നനവും സന്തോഷത്തിന്റെ ഇത്തിരി വെട്ടവും ഇടകലര്‍ന്നു ഇരുളും വെളിച്ചവും നിറഞ്ഞ ജീവിത യാത്രയെക്കുറിച്ചാണ്‌സിനിമ യില്‍പറയുന്നത്. അവഗണനയും കഷ്ടപ്പാടുകളും നിറഞ്ഞ അന്തരീക്ഷത്തില്‍ നിന്ന് കഠിനാധ്വാനം കൊണ്ട് സമൂഹത്തില്‍ സ്വന്തം ഇടം കണ്ടെത്താനും മികച്ചനിലയില്‍ എത്താനും സാധിച്ചതിലുള്ള സന്തോഷം മറച്ചുവയ്ക്കുന്നില്ല. സംവിധായികയായി സ്വന്തം ജീവിതകഥ പറയുന്ന രഞ്ജുരഞ്ജി മാര്‍ക്ക് കലാരംഗത്തു നിന്ന് വലിയ പിന്തുണയാണ് ലഭിച്ചുകൊണ്ടിരിക്കുന്നത്.
