സി എന് എ-
ചെന്നൈ:
നാല് വൈകാരികമായ പ്രണയങ്ങള് എന്ന ടാഗ് ലൈനുമായാണ് 'കുട്ടി സ്റ്റോറി' എന്ന ആന്തോളജി സിനിമ എത്തുന്നത്. ആരാധകര് ഏറെ ആകാംഷയോടെയാണ് ഈ ചിത്രത്തിനായി കാത്തിരിക്കുന്നത്. ഗൗതം വസുദേവ് മേനോന്, വിജയ്, വെങ്കട് പ്രഭു, നളന് കുമാരസാമി എന്നീ നാല് പ്രമുഖ സംവിധായകര് ഒരുമിക്കുന്നു എന്നത് ഈ ചിത്രത്തിന്റെ സവിശേഷതയാണ്.
ഫെബ്രുവരി 12നാണ് ചിത്രം തീയേറ്ററുകളില് എത്തുക. നാലു പ്രണയ കഥകളുടെ സമാഹാരമായ (ആന്തോളജി) കുട്ടി സ്റ്റോറി യുടെ പാശ്ചാത്തലം വ്യത്യസ്ത പ്രായക്കാരുടെ പ്രണയ ബന്ധങ്ങളാണ്.
ഗൗതം വാസുദേവ മേനോന്, വിജയ് സേതുപതി, അമല പോള്, മേഘ ആകാശ്, അദിതി ബാലന്, ആര്യ, സാക്ഷി അഗര്വാള്, റോബോ ശങ്കര്, വരുണ്, സംഗീത, പ്രഭാകര് തുടങ്ങി നിരവധി താരങ്ങളാണ് സിനിമകളില് അണിനിരക്കുന്നത്. രസകരമായ ട്രെയിലര് ഇതിനകം യൂട്യൂബില് ശ്രദ്ധ നേടിക്കഴിഞ്ഞു. പുതിയ സ്റ്റില്ലുകളും
അണിയറക്കാര് പുറത്തു വിട്ടു. വേല്സ് ഫിലിം ഇന്റര്നാഷണലിന്റെ ബാനറില് ഡോ. ഐശ്വരി കെ ഗണേഷ് ആണ് ചിത്രം നിര്മ്മച്ചിരിക്കുന്നത്. സില്വര് സ്ക്രീന് പിക്ചേഴ്സ് മുരളി 'കുട്ടി സ്റ്റോറി' കേരളത്തില് റിലീസ് ചെയ്യും.
പി ആര് ഒ- സി.കെ. അജയ്കുമാര്.