CNA
കോഴിക്കോട് :
മികച്ച തിയേറ്റര് അനുഭവം പകരുന്ന മലയാളത്തിലെ അപൂര്വ്വം ഷോര്ട്ട് ഫിലിമുകളിലൊന്ന് എന്ന വിശേഷണവുമായി കേരള ചലച്ചിത്ര അക്കാദമി അവതരിപ്പിക്കുന്ന 'എല് ഐ ബി (ലൈഫ് ഈസ് ബ്യുട്ടിഫുള്) എന്ന ഹ്രസ്വ ചിത്രത്തിന്റെ ഒരു സ്പെഷല് ഷോ കഴിഞ്ഞ ഞായറാഴ്ച്ച (19-03-2023) കോഴിക്കോട് ക്രൗണ് തിയേറ്ററില് വെച്ച് കാലിക്കറ്റ് പ്രസ് ക്ലബ് ഫിലിം സൊസൈറ്റിയും മലബാര് ക്രിസ്ത്യന് കോളേജിലെ പൂര്വ വിദ്യാര്ത്ഥി കൂട്ടായ്മയായ ക്യാലീസ് എം സി സി ചേര്ന്ന് നടത്തുകയുണ്ടായി.
ബൈജുരാജ് ചേകവര് സംവിധാനം ചെയ്ത 'എല് ഐ ബി' കാണാന് കോഴിക്കോട്ടെ പ്രേക്ഷകര് രാവിലെ തന്നെ തിയേറ്ററിനകത്ത് ഇടം പിടിച്ചിരുന്നു.
കാലിക്കറ്റ് പ്രസ് ക്ലബ്ബ് ഫിലിം സൊസൈറ്റി ജനറല് സെക്രട്ടറി ഫര്ദ്ദിസ് സ്വാഗതം പറഞ്ഞ ചടങ്ങില് ചലച്ചിത്ര അക്കാദമി വൈസ് ചെയര്മാന് പ്രേംകുമാര് അധ്യക്ഷത വഹിച്ചു.
ചിത്ര പ്രദര്ശനത്തിന് ശേഷം കോഴിക്കോട് മേയര് ഡോക്ടര് ബീന ഫിലിപ്പ് ചിത്രത്തിന്റെ ഉള്ളടക്കത്തെക്കുറിച്ചും ലോകം സുന്ദരമാകുന്നത് പ്രകൃതി പ്രസന്നമാകുമ്പോഴാണെന്നും ചിത്രത്തെ വിലയിരുത്തി സംസാരിച്ചു.
'എല് ഐ ബി'യുടെ ക്യാമറയ്ക്ക് മുന്നിലും പിന്നിലുമായി പ്രവര്ത്തിച്ച നാല്പ്പതോളം കലാകാരന്മാര്ക്ക് സംഘാടക സമിതി ഉപഹാരങ്ങള് നല്കി.
സംവിധായകരായ ഷാജൂണ് കാര്യാല്, ബിപിന് പ്രഭാകര്, പി കെ ബാബുരാജ്, നിര്മ്മാതാവ് സജിത്ത് കുമാര് പല്ലവി, സി വി ഷൈജു എന്നിവര് ഉപഹാര സമര്പ്പണത്തില് പങ്കെടുത്തു.
മലയാള സിനിമയിലെ പ്രതിഭാശാലികളായ കലാസാങ്കേതിക പ്രവര്ത്തകര് അണിനിരക്കുന്ന 'എല് ഐ ബി' മികച്ച ചിത്രം, തിരക്കഥ, സംവിധാനം, അഭിനയം, കലാസംവിധാനം, ഛായാഗ്രഹണം, വി എഫ് എക്സ്, ശബ്ദരൂപകല്പന എന്നീ വിഭാഗങ്ങളില് ഇതിനകം ഒട്ടേറെ അംഗീകാരങ്ങള് നേടിയിട്ടുണ്ട്.
Online PR - CinemaNewsAgency.Com