സി എന്‍ എ-
മുംബൈ:
പ്രശസ്ത ബോളിവുഡ് സംവിധായകനും നിര്‍മ്മാതാവുമായ കരണ്‍ ജോഹര്‍ നിര്‍മ്മിക്കുന്ന 'ലൈഗര്‍ - സാല ക്രോസ്ബ്രീഡ്' എന്ന ചിത്രത്തില്‍ തെലുങ്ക് സിനിമയിലെ യൂത്ത് ഐക്കണ്‍ വിജയ്‌ദേവരക്കൊണ്ട നായകനകുന്നു.
തെലുങ്ക് സിനിമയിലെ പ്രശസ്ത സംവിധായകനായ പുരി ജഗന്നാഥും വിജയ് ദേവാരകൊണ്ടയും ഒന്നിക്കുന്ന പ്രഥമ ചിത്രമാണിത്. ബോളിവുഡ് നടി അനന്യ പാണ്ഡെയാണ് നായിക.
'ലൈഗര്‍' സിനിമയുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. മാസ്സ് സിനിമകള്‍ ഒരുക്കാറുള്ള പുരി ജഗന്നാഥിന്റെ ചിത്രത്തില്‍ വിജയ് ദേവാരക്കൊണ്ട വ്യത്യസ്ത മേക്ക് ഓവറിലാണ് എത്തുന്നത്. സിനിമയിലെ മറ്റൊരു പ്രധാന ആകര്‍ഷണം നടി രമ്യാകൃഷ്ണയാണ്. ഛായാഗ്രഹണം വിഷ്ണു ശര്‍മ്മ നിര്‍വഹിക്കുന്നു. ലൈഗറിന്റെ മറ്റൊരു സാവിശേഷത കരണ്‍ ജോഹറിനൊപ്പം സംവിധായകന്‍ പുരി ജഗന്നാഥും, നടി ചാര്‍മി കൗറും, അപൂര്‍വ മെഹ്തയും നിര്‍മ്മാണത്തില്‍ പങ്കാളികളാകുന്നു എന്നതാണ്.
മലയാളം ഉള്‍പ്പടെ അഞ്ചു ഭാഷകളില്‍ ചിത്രം പ്രദര്‍ശനത്തിനെത്തും.
