സി.കെ അജയ് കുമാര്-
മുംബൈ:
അക്ഷയ് കുമാറിന്റെ 'ലക്ഷ്മി' എന്ന ചിത്രം നവംബര് 9 ന് ഡിസ്നിപ്ലസ് ഹോട്ട്സ്റ്റാറില് റിലീസ് ചെയ്യുകയാണ്. കിയാരാ അദ്വാനിയാണ് രാഘവ ലോറന്സ് ഒരുക്കുന്ന ഈ സിനിമയില് അക്ഷയ്കുമാറിന്റെ നായിക. കഴിഞ്ഞ ദിവസം അക്ഷയ് കുമാര് ട്രാന്സ്ജെന്ഡറായി താണ്ഡവമാടുന്ന 'ലക്ഷ്മി'യിലെ 'ബാം ബോലെ' എന്ന ഗാനത്തിന്റെ വീഡിയോ പുറത്ത് വിട്ടിരുന്നു. വലിയ സ്വീകരണമാണ് ഈ ഗാന വീഡിയോക്ക് ലഭിച്ചത്. നിമിഷങ്ങള് കൊണ്ട് വൈറലായ ഈ ഗാനം സോഷ്യല് മീഡിയായില് വന് മുന്നേറ്റം തുടരുകയാണ്. നൂറു കണക്കിന് ഭിന്ന ലിംഗക്കാരുമായിട്ടുള്ള ബ്രന്മാണ്ട നൃത്ത രംഗത്തിലെ അക്ഷയ് കുമാറിന്റെ തകര്പ്പന് ആട്ടം ആരാധകരെ പുളകം കൊള്ളിച്ചിരിക്കയുമാണ്. ദീപാവലി വെടിക്കെട്ടായി എത്തുന്ന 'ലക്ഷ്മി' യെ ഹിന്ദി സിനിമാ പ്രേമികളും ബോളിവുഡും ആകാംക്ഷയോടെയാണ് കാത്തിരിക്കുന്നത്.