സി എന് എ
തിരു:
ചലച്ചിത്ര സാങ്കേതിക വിദഗ്ദ്ധരുടെയും സ്കില്ഡ് ലേബര്മാരുടെയും സാമൂഹ്യ ക്ഷേമത്തിനും തൊഴില് സംരക്ഷണത്തിനുമായി സംസ്ഥാനതലത്തില് രൂപീകരിച്ച സംഘടനയാണ് മലയാളം സിനിമ എംപ്ലോയീസ് അസോസിയേഷന്.
ഡബ്ലൂ.സി.സിയ്ക്ക് ശേഷം കേരളം ചര്ച്ച ചെയ്യുന്ന ചലച്ചിത്ര സംഘടനയായ മലയാളം സിനിമ എംപ്ലോയീസ് അസോസിയേഷനില് സിനിമയില് വര്ഷങ്ങളുടെ പരിചയ സമ്പത്തുള്ളവരും നവാഗതരും അംഗങ്ങളാണ്. കോവിഡ് മഹാമാരിയില് തകര്ന്നടിഞ്ഞ സിനിമ വ്യവസായത്തിലെ തൊഴിലാളികളുടെ ജീവിതത്തില് പരസ്പരം കൈത്താങ്ങാകുകയെന്ന ലക്ഷ്യമാണ് സംഘടനയെ വ്യത്യസ്തമാക്കുന്നത്.
മലയാളം സിനിമ എംപ്ലോയീസ് അസോസിയേഷന് സംസ്ഥാന ജനറല് സെക്രട്ടറിയായി എ.എസ് പ്രകാശിനെ തിരഞ്ഞെടുത്തു. സിനിമ പി.ആര്.ഒയാണ് പ്രകാശ്. റിയാസ് ഖാന് നായക വേഷത്തിലെത്തുന്ന 'സസ്പെന്സ് കില്ലര്', സോണിയ അഗര്വാളിന്റെ മലയാളം-തമിഴ് ചിത്രം 'ഗ്രാന്ഡ്മ' എന്നിവയാണ് പ്രകാശ് പി.ആര്.ഒയായി പ്രവര്ത്തിയ്ക്കുന്ന പുതിയ സിനിമകള്.
സാരഥി ഫിലിംസ് വിതരണത്തിനെടുത്ത 'മുതല്വന്' (അര്ജ്ജുന്, മനീഷ കൊയ്രാള), 'കണ്ടുകൊണ്ടേന് കണ്ടുകൊണ്ടേന്' (മമ്മൂട്ടി, അജിത് കുമാര്, ഐശ്വര്യ റായി, തബു), തമീന്സ് ഫിലിംസ് വിതരണം നടത്തിയ 'മീര ഏജ് 45' (ദീപ്തി നവല്), 'വസൂല് രാജ എം.ബി.ബി.എസ്' (കമലഹാസന്, പ്രഭു, സ്നേഹ) എന്നീ സിനിമകളുടെ കേരള പബ്ലിസിറ്റിയിലൂടെയാണ്, എ.എസ് പ്രകാശ് ചലച്ചിത്ര രംഗത്ത് സജീവമായത്. പത്ത് വര്ഷത്തിനുള്ളില് നിരവധി മലയാളം സിനിമകളുടെ പി.ആര്.ഒയായ എ.എസ് പ്രകാശ്, ദിനപത്രങ്ങളുടെയും ഓണ്ലൈന് മാധ്യമങ്ങളുടെയും ലേഖകനായും പ്രവര്ത്തിച്ചിട്ടുണ്ട്.
സിനിമ പി.ആര്.ഒ : എ.എസ് പ്രകാശ് (ജനറല് സെക്രട്ടറി), സംഗീത സംവിധായകന് ഗോപന് സാഗരി (പ്രസിഡന്റ്), ലൊക്കേഷന് വീഡിയോ പ്രൊഡ്യൂസര് വിഷ്ണൂബുദ്ധന് (ട്രഷറര്), പ്രൊഡക്ഷന് കണ്ട്രോളര് സുനില് തിരുവല്ലം (വൈസ് പ്രസിഡന്റ്), ക്യാമറാമാനും മേയ്ക്കപ്പ് ആര്ട്ടിസ്റ്റുമായ ബിജു പോത്തന്കോട് (ജോ.സെക്രട്ടറി), നവാഗത സംവിധായകരായ ഷിജിന് ലാല്, ജോളിമസ് (എക്സിക്യൂട്ടീവ് മെമ്പേഴ്സ്) എന്നിവരാണ് മലയാളം സിനിമ എംപ്ലോയീസ് അസോസിയേഷന് സംസ്ഥാന കമ്മിറ്റി ഭാരവാഹികള്.
കേരളത്തിലോ മറുനാട്ടിലോ ചിത്രീകരിയ്ക്കുന്ന മലയാളം സിനിമയില് പ്രീ പ്രൊഡക്ഷന്, ഷൂട്ടിങ്, പോസ്റ്റ് പ്രൊഡക്ഷന്, റീലീസ് എന്നീ വിഭാഗങ്ങളില് പ്രവര്ത്തിയ്ക്കുന്ന ടെക്നീഷ്യന്മാരുടെയും സ്കില്ഡ് ലേബര്മാരെയും പ്രതിനിധീകരിയ്ക്കുന്ന സിനിമ സംഘടന എന്ന നിലയില് ശക്തമായ പ്രവര്ത്തനം നടത്തുമെന്ന് ജനറല് സെക്രട്ടറി എ.എസ് പ്രകാശ് പറഞ്ഞു.
മലയാളം സിനിമ എംപ്ലോയീസ് അസോസിയേഷന് അംഗങ്ങള്ക്ക് ഓണക്കിറ്റുകള് കോവിഡ് മാനദണ്ഡങ്ങള് പാലിച്ച്, സംസ്ഥാന പ്രസിഡന്റ് ഗോപന് സാഗരി, സംസ്ഥാന ജനറല് സെക്രട്ടറി എ.എസ് പ്രകാശ് എന്നിവരുടെ നേതൃത്വത്തില് വിതരണം നടത്തി. സ്പോണ്സര്മാരുടെ സഹായത്തോടുകൂടി സിനിമ തൊഴിലാളികള്ക്ക് തുടര്ച്ചയായുള്ള സഹായം നല്കുന്നതിനുള്ള പരിശ്രമത്തിലാണ് സംഘടന ഭാരവാഹികള്.
കൂടുതല് വിവരങ്ങള്ക്കായി 9072388770 എന്ന മൊബൈല് നമ്പറില് ബന്ധപ്പെടുക.