MM Kamath
കൊച്ചി:
കൊച്ചിയിലെ ഒരു പറ്റം കലാകാരന്മാര് മഹാമാരിക്ക് ശേഷം വീണ്ടും കലാരംഗം സജീവമാകുമെന്ന പ്രതീക്ഷയോടെ കലാ കൂട്ടായ്മയായ കൊച്ചിന് കൊളാഷ് ടീമിനൊപ്പം അണിചേര്ന്ന്, കൊച്ചിയിലെ പ്രശസ്ത മള്ട്ടി ലിംഗ്വല് ബാന്റ് ആയ 'സാംശിവ ബാന്റ്' ഒരുക്കിയ 'മൂവന്തി' മ്യൂസിക് ആല്ബം, മികച്ച സംഗീത സംവിധാനത്തിനുള്ള 'ഇന്ത്യന് ഇന്റര്നാഷണല് ഫിലിം അവാര്ഡ് 2021' നേടി.
സുജിത്ത് ഇലഞ്ഞിമറ്റം സംവിധാനം നിര്വ്വഹിച്ച്, ജയ്സണ് പോള് ഛായാഗ്രഹണം നല്കി, അലോഷ്യസ് ചേര്ത്തലയുടെ മികച്ച വരികള്ക്ക് മനോഹരമായി സംഗീതം നല്കിയ പ്രശസ്ത ഗായകന് സാംശിവയാണ് ഈ അവാര്ഡിന് അര്ഹനായത്.
സാംശിവ ബാന്റിലെ ഓര്ക്കസ്ട്രേഷന് ടീം അംഗങ്ങള് തന്നെയാണ് ഇതിന്റെ ഓര്ക്കസ്ട്രേഷനും നിര്വ്വഹിച്ചിരിക്കുന്നത്. ലീഡ് വോക്കല്- സാംശിവ, കീബോര്ഡ്, മിക്സിംങ്ങ് & മാസ്റ്ററിംഗ്- ഡാല്ട്ടണ് ആരൂജ, ലീഡ് ഗിറ്റാര്- ജോബി പീയുസ്, ബാസ് ഗിറ്റാര്- രാജേഷ് ആന്റണി, ഡ്രംസ്- ജയരാജ്.
മൂവന്തിയിലെ ഗാന ചിത്രീകരണങ്ങളില് പാടി അഭിനയിച്ചിരിക്കുന്നതും സാംശിവ തന്നെയാണ്.
ഇരുപത്തഞ്ചോളം ഭാഷകളില് പാടാനുള്ള കഴിവും, കഠിനാദ്ധ്വാനവും സാംശിവയെ മറ്റു ഗായകരില് നിന്നും വ്യത്യസ്തനാക്കുന്നു.
ഇന്ത്യയ്ക്കകത്തും പുറത്തും ആയിരത്തിലധികം സ്റ്റേജ് ഷോകള് ചെയ്ത് വിജയിച്ചിട്ടുള്ള കേരളത്തിലെ തന്നെ നമ്പര് വണ് മള്ട്ടിലിംഗ്വല് ബാന്റ് ആണ് സാംശിവ ബാന്റ്.
മോഡലും, അവതാരികയും, ഡബ്ബിംഗ് ആര്ട്ടിസ്റ്റുമായ RJ ജുവല് ബേബി മുഖ്യ വേഷം ചെയ്തിട്ടുള്ള ഈ ആല്ബത്തില് പ്രശസ്ത നാടന്പാട്ട് കലാകാരന്മാരായ കൊച്ചിന് പാണ്ഡവാസും ഒരുമിയ്ക്കുന്നുണ്ട്.
കോറിയോ ഗ്രാഫര്മാരായ അഭിലാഷ് പോപ്പും, മണിക്കുട്ടനും ചേര്ന്നാണ് നൃത്തരംഗങ്ങള് ആവിഷ്കരിച്ചിട്ടുള്ളത്.
സിനിമ സീരിയല് രംഗത്ത് സജീവ പ്രവര്ത്തകരായ ആന്റോ മരട്, ഷിബു മരട് എന്നിവരും ഇതില് വേഷം ചെയ്തിട്ടുണ്ട്.
കോവിഡ് മഹാമാരിയുടെ കെടുതികള്ക്ക് ശേഷം ഒരു തിരിച്ചുവരവ് കലാരംഗത്ത് ഉണ്ടാവും എന്ന പ്രതീക്ഷയോടെ കൊച്ചിയിലെ കലാകാരന്മാര് ഒരുക്കിയ ഈ ആല്ബം 'കൊച്ചിന് കൊളാഷ്' എന്ന യൂട്യൂബ് ചാനലിലൂടെയാണ് ചെയ്തത്.
വളന്തക്കാടിലും കുണ്ടന്നൂരിലുമായിരുന്നു 'മൂവന്തി' ചിത്രീകരിച്ചത്.
Online PR - CinemaNewsAgency.Com