സി എന്‍ എ-
ചെന്നൈ:
2021 ലെ ഏറ്റവും പ്രതീക്ഷയുള്ള സിനിമകളിലൊന്നാണ് 'മാനാട്'. നടന്‍ ചിമ്പുവിന്റെ 45ാമത്തെ സിനിമയാണിത്. വെങ്കട്ട് പ്രഭു സംവിധാനം ചെയ്യുന്ന 'മാനാട്' ഒരു പൊളിറ്റിക്കല്‍ ത്രില്ലറാണ്. മുഖത്ത് രക്തവും നെറ്റിയില്‍ വെടിയുണ്ടമായി പ്രാര്‍ത്ഥന നടത്തുന്ന ചിമ്പുവിന്റെ മുഖമാണ് പോസ്റ്ററില്‍. 'A Venkat Prabhu Politics' എന്ന ടാഗ്‌ലൈനോടുകൂടിയ പോസ്റ്ററില്‍ മഹാത്മാഗാന്ധിയുടെ ഉദ്ധരണിയുമുണ്ട്. 'മനുഷ്യരാശിയുടെ വിനിയോഗത്തിലെ ഏറ്റവും വലിയ ശക്തിയാണ് അഹിംസ'. അബ്ദുല്‍ ഖാലിക്ക് എന്ന യുവാവായിട്ടാണ് 'മാനാടില്‍ ചിമ്പു എത്തുന്നത്.
സുരേഷ് കാമാച്ചിയുടെ V House പ്രൊഡക്ഷന്സ് നിര്‍മ്മിക്കുന്ന ഒമ്പതാമത്തെ ചിത്രമായ മാനാടില്‍ കല്യാണി പ്രിയദര്‍ശനാണു നായിക. എസ് ജെ സൂര്യ, എസ് എ ചന്ദ്രശേഖര്‍, ഭാരതിരാജ, കരുണാകരന്‍, മനോജ് പ്രേംഗി എന്നിവരും അഭിനയിക്കുന്നു. സംഗീതമൊരുക്കുന്നത് യുവന്‍ ശങ്കര്‍ രാജയാണ്. ഛായാഗ്രഹണം റിച്ചര്‍ഡ് എം നാഥ് നിര്‍വ്വഹിക്കുന്നു.
