സി എന്‍ എ-
കൊച്ചി:
എഡിറ്ററും സംവിധായകനുമായ മഹേഷ് നാരായണന്റെ തിരക്കഥയില്‍ നവാഗതനായ സജിമോന്‍ ഒരുക്കുന്ന പുതിയ ചിത്രമാണ് മലയന്‍കുഞ്ഞ്. പ്രശസ്ത സംവിധായകന്‍ ഫാസില്‍ നിര്‍മിച്ച് ഫഹദ് ഫാസില്‍ അഭിനയിക്കുന്ന 'മലയന്‍കുഞ്ഞ്' എന്ന ചിത്രത്തിലേയ്ക്ക് അഭിനേതാക്കളെ ആവശ്യമുണ്ട്. സ്ത്രീകളെയും, പുരുഷന്മാരെയുമാണ് തേടുന്നത്. മേക്കപ്പ് ഇല്ലാത്തതും, എഡിറ്റ് ചെയ്യാത്തതുമായ ഫോട്ടോയും, ഒരു മിനിട്ട് ദൈഘ്യമുള്ള സെല്‍ഫ് ഇന്ട്രൊഡക്ഷന് വീഡിയോയും ചേര്‍ത്താണ് അയക്കേണ്ടത്.
കോവിഡ് ലോക്ക്ഡൗണിനിടയില്‍ ചിത്രീകരിച്ച് ഒ ടി ടി പ്ലാറ്റ്‌ഫോമില്‍ വിജയം കൊയ്ത 'സീ യു സൂണി'ന് ശേഷം ഫഹദും മഹേഷ് നാരായണനും ഒന്നിക്കുന്ന ചിത്രമാണ് 'മലയന്‍കുഞ്ഞ്'. സുഷിന്‍ ശ്യാം സംഗീതമൊരുക്കുന്നു. ജ്യോതിഷ് ശങ്കറാണ് പ്രൊഡക്ഷന് ഡിസൈനര്‍. രഞ്ജിത് അമ്പാടി മേക്കപ്പും ധന്യാ ബാലകൃഷ്ണന്‍ വസ്ത്രാലങ്കാരവും നിര്‍വഹിക്കുന്നു. വിഷ്ണു ഗോവിന്ദ് ശ്രീശങ്കര്‍ ടീമാണ് സൗണ്ട് ഡിസൈന്‍ചെയ്യുന്നത്. ബെന്നി കട്ടപ്പനയാണ് പ്രൊഡക്ഷന് കണ്ട്രോളര്. സംവിധായകന്‍ ഫാസില്‍ നിര്‍മ്മിച്ച് ഫഹദ് ഫാസില്‍ അഭിനയിക്കുന്ന 'മലയില്‍കുഞ്ഞ്' സെഞ്ച്വറി ഫിലിംസ് തിയേറ്ററിലെത്തിക്കും.
