സി എന്‍ എ-
ആലപ്പുഴ:
മമ്മൂട്ടിയെയും മോഹന്‍ ലാലിനെയുംവെച്ച് ഒരു സിനിമ ചെയ്യണം. അതാണ് തന്റെ ആഗ്രഹമെന്ന് സംവിധായകന്‍ ഫാസില്‍. വര്‍ഷങ്ങള്‍ക്കു മുമ്പ് മമ്മൂട്ടിയെയും മോഹന്‍ലാലിനെയും കേന്ദ്രകഥാപാത്രങ്ങളാക്കി 'ഹരികൃഷ്ണന്‍സ്' എന്ന സിനിമ ഫാസില്‍ സംവിധാനം ചെയ്തിരുന്നു. ഇരുവരുടെയും താരമൂല്യത്തിന് അനുസൃതമായ രീതിയിലുള്ള കഥയില്ലായ്മയാണ് പിന്നീട് അത്തരമൊരു സിനിമ ചെയ്യാന്‍ കഴിയാതിരുന്നത്. 'ഫേസ് ഓഫ്' എന്ന ഹോളിവുഡ് സിനിമ പോലെ നായകനും വില്ലനും ഇല്ലാത്ത തുല്യത പുലര്‍ത്തുന്ന രണ്ട് കഥാപാത്രങ്ങളെ കേന്ദ്രീകരിച്ച് ഒരു സിനിമ ചെയ്യാന്‍ കഴിയണം. നായകനും വില്ലനും മുഖം മാറുന്നതാണ് 'ഫേസ് ഓഫ്' എന്നസിനിമയുടെ പ്രമേയം. അങ്ങനെ ഒരു കഥയാവുമ്പോള്‍ ഫാന്‍സുകാര്‍ക്ക് പ്രശ്‌നമുണ്ടാവില്ലെന്നും ഫാസില്‍ പറയുന്നു.
