എഎസ് ദിനേശ്-
കൊച്ചി: :
മമ്മൂട്ടി എന്ന മഹാനടന്റെ അഭിനയ ജീവിതത്തിലെ നാല്പത്തിയൊമ്പത് വര്ഷങ്ങള് കോര്ത്തിണക്കി ഏഴ് ഭാഷകളില് ആദ്യമായി ഒരു മ്യൂസിക് ആല്ബം തയ്യാറാക്കിയിരിക്കുന്നു.
ഇന്ത്യന് സിനിമ രംഗത്തെ പ്രമുഖരുടെ സോഷ്യല് മീഡിയ പേജ് വഴി ഈ മ്യൂസിക്ക് വീഡിയോ ആല്ബം ഉടനെ പുറത്തിറങ്ങും.
'സമഗ്ര സുഭഗമായ അഭിനയം! കാലം കണ്ടെത്തിയ നടന്' എന്ന് സാക്ഷാല് എംടി വാസുദേവന് നായര് പറഞ്ഞത് ഒരേ ഒരു അഭിനേതാവിനെ കുറിച്ചാണ്. തന്റെ സംഭാഷണങ്ങള് പറഞ്ഞു ഫലിപ്പിക്കുന്നതില് ഏറ്റവും മികച്ച യോഗ്യതയുള്ള നടനെന്നും എം ടി ഉറക്കെ വിളിച്ചു പറഞ്ഞ ആ മഹാത്ഭുതത്തിന്റെ പേരാണ് മമ്മൂട്ടി. എംടി മാത്രമല്ല, കെ ബാലചന്ദര്, അടൂര് ഗോപാലകൃഷ്ണന്, കെജി ജോര്ജ്ജ്, ഷാജി എന് കരുണ്, ബാലു മഹേന്ദ്ര, മണിരത്നം എന്നു വേണ്ട ഇന്ത്യന് സിനിമാലോകവും പ്രേക്ഷകരും ഏറെ ആദരവോടെയും, സ്നേഹത്തോടെയും, ആരാധനയുടെയും കാണുന്ന മമ്മൂട്ടി എന്ന മഹാനടന് തന്റെ അഭിനയജീവിതത്തില് മനോഹരമായ 49 വര്ഷങ്ങള് പിന്നിടുകയാണ്. ഈ വേളയില് മലയാളത്തിന്റെ നടനവിസ്മയത്തിന് ഹൃദയത്തിന്റെ ഭാഷയില് ആശംസകള് നല്കിക്കൊണ്ട്, ഇന്ത്യയിലെ ഏഴ് ഭാഷകളില് പന്ത്രണ്ട് ഗായകരെ അണിനിരത്തികൊണ്ടുള്ള ഈ സംഗീത ആല്ബം റിലീസിന് തയ്യാറായി. എഫ്.എം സ്റ്റുഡിയോ പ്രൊഡക്ഷന്സും സെലിബ്രിഡ്ജും ചേര്ന്ന് ഒരുക്കുന്ന ഈ വീഡിയോ ആല്ബം, മമ്മൂട്ടി ഫാന്സ് & വെല്ഫെയര് ഇന്റര്നാഷണലിന്റെ സഹായത്തോടെയാണ് പുറത്തിറങ്ങുന്നത്. പ്രശസ്ത പിന്നണി ഗായകരായ വിജയ് യേശുദാസ്, അഫ്സല് ഇസ്മയില്, വൈഷ്ണവ് ഗിരീഷ് , സച്ചിന് വാര്യര്, സന്നിധാനന്ദന്, ഇഷാന് ദേവ്, അജ്മല്, മെറില് ആന് മാത്യു, മീനാക്ഷി, ഫിദ ഫാത്തിമ തുടങ്ങിയവരാണ് ഗാനം ആലപിച്ചിരിക്കുന്നത്. പ്രശസ്ത ഗാനരചയിതാവും, സംസ്ഥാന പുരസ്കാര ജേതാവുമായ ബി.കെ ഹരിനാരായണന് (മലയാളം), ഫൗസിയ അബൂബക്കര് (ഉര്ദു), യഹിയ തളങ്കര (ഉര്ദു), സുരേഷ് കുമാര് രവീന്ദ്രന് (തമിഴ്), വിനോദ് വിജയന് (തെലുങ്ക് & കന്നഡ), ഷാജി ചുണ്ടന് (ഇംഗ്ലീഷ്), അബ്ദുല് അസീസ് (അറബിക്) തുടങ്ങിയവരുടെ രചനയില് വയലിനിസ്റ്റ് ഫായിസ് മുഹമ്മദ് ആണ് സംഗീതം ഒരുക്കിയിരിക്കുന്നത്. മലയാളം, ഹിന്ദി, തമിഴ്, കന്നഡ, തെലുങ്ക്, ഇംഗ്ലീഷ് കൂടാതെ അറബിക് ഭാഷയിലുമാണ് താരരാജാവിനുള്ള സമര്പ്പണം. പന്ത്രണ്ട് ഗായകര്ക്കൊപ്പം ദുബായ് ജാസ് റോക്കേഴ്സിലെ മുപ്പത് കുട്ടികളും ഈ ആല്ബത്തില് പെര്ഫോം ചെയുന്നു.
ഇന്ത്യന് സിനിമയിലെ പഴയ തലമുറക്കാരുടെ നായകസങ്കല്പത്തിന്റെയും, പുതു തലമുറക്കാരുടെ സിനിമയെന്ന സ്വപ്ന സാക്ഷല്ക്കാരത്തിന്റെയും സൂര്യതേജസ്സായ മഹാനടന് മമ്മൂട്ടിയുടെ നാല്പത്തിയൊമ്പത് വര്ഷത്തെ അഭിനയ ജീവിതം ഈ പാട്ടില് പരാമര്ശിക്കുന്നുണ്ട്. കൂടാതെ, മാതൃകാപരമായ അദ്ദേഹത്തിന്റെ വ്യക്തിജീവിതവും പാട്ടിന്റെ ഭാഗമാണ്. പി ജെ ആന്റണിക്കും, ഭരത് ഗോപിക്കും, ബാലന് കെ നായര്ക്കും, പ്രേംജിക്കും പി•ുറക്കാരനായി ദേശിയ പുരസ്കാര
ബഹുമതിയായ സ്വര്ണ്ണപ്പതക്കം മൂന്ന് തവണ നേടിയെടുത്തുകൊണ്ട്
ഇന്ത്യന് സിനിമ ലോകത്തിന്റെ ഒന്നാം നിരയില് മലയാള സിനിമയുടെ സ്ഥാനമുറപ്പിച്ച മലയാളത്തിന്റെ നിറകുടത്തിനുള്ള സ്നേഹസമര്പ്പണമാണ് ഈ ആല്ബം.
ഫൈസല് നാലകത്ത്, റസല് പുത്തന്പള്ളി, ഷംസി തിരൂര്, സിഞ്ചോ നെല്ലിശ്ശേരി, റോയ് പാരീസ്, സണ്ണി മാളിയേക്കല് യൂ.എസ്.എ എന്നിവരാണ് ഇതിന്റെ അണിയറ പ്രവര്ത്തകര്. വാര്ത്ത പ്രചരണം- എഎസ് ദിനേശ്.