Editor- MM Kamath
കൊച്ചി:
മോഹന്ലാല് നായകനായി എത്തുന്ന മലയാളത്തിലെ ആദ്യ ബ്രഹ്മാണ്ഡ ചിത്രം 'മരക്കാര് അറബിക്കടലിന്റെ സിംഹം' ആമസോണ് പ്രൈമിലൂടെ ഡയറക്ട് റിലീസ് ചെയ്യുമെന്ന് റിപ്പോര്ട്ട്.
ഒടിടി പ്ലാറ്റ്ഫോമുകളിലെ പുതു റിലീസുകള് സംബന്ധിച്ച വിവരങ്ങള് നല്കുന്ന ലെറ്റ്സ് ഒടിടി ഗ്ലോബല് എന്ന പേജാണ് ഈ വാര്ത്ത പുറത്തുവിട്ടത്.
ഇതു സംബന്ധിച്ചുള്ള ഔദ്യോഗിക പ്രഖ്യാപനം ഉടനുണ്ടാകും.
മരക്കാര് റിലീസ് സംബന്ധിച്ചായിരുന്നു കഴിഞ്ഞ ഏതാനും ദിവസങ്ങളായി മലയാള സിനിമാ മേഖലയിലെ സജീവ ചര്ച്ചയാണ്.
ഫിലിം ചേംബറിന്റെ മധ്യസ്ഥതയില് തിയറ്റര് ഉടമകളുടെ സംഘടനയായ ഫിയോക്കും നിര്മ്മാതാവ് ആന്റണി പെരുമ്പാവൂരും ഇന്നലെ നടത്തിയ ചര്ച്ചയും വിഫലമായിരുന്നു.
കോവിഡ് പശ്ചാത്തലത്തില് റിലീസ് പലകുറി മാറ്റിവെക്കേണ്ടിവന്ന മലയാളചിത്രങ്ങളില് പ്രധാനപ്പെട്ട ഒന്നാണ് 'മരക്കാര് അറബിക്കടലിന്റെ സിംഹം'.
ഇത്തവണത്തെ ദേശീയ, സംസ്ഥാന ചലച്ചിത്ര അവാര്ഡുകളിലായി ആറ് പുരസ്കാരങ്ങളും ചിത്രം നേടി.
പ്രിയദര്ശന് സംവിധാനം ചെയ്ത ചിത്രം രണ്ടു വര്ഷം കൊണ്ട് ഏതാണ്ട് 100 കോടിക്കടുത്ത് ചിലവിട്ടാണ് നിര്മ്മിച്ചിരിക്കുന്നത്.
കേരള ചരിത്രത്തിലെ വീര യോദ്ധാക്കളില് പ്രമുഖനും പറങ്കിപ്പടയെ ഇന്ത്യയില് നിന്നും തുരത്താന് കടല് യുദ്ധം ചെയ്ത് വിജയിച്ച കുഞ്ഞാലി മരയ്ക്കാരുടെ സംഭവ ബഹുലമായ ജീവിത കഥയാണ് ഈ ചിത്രത്തില് ദൃശ്യവല്ക്കരിക്കുന്നത്.
ചിത്രത്തില് മോഹന്ലാലിനോടൊപ്പം വന്താരനിരയാണ് അണിനിരക്കുന്നത്.
ചിത്രത്തില് പ്രണവ് മോഹന്ലാല്, അര്ജുന്, സുനില് ഷെട്ടി, പ്രഭു, മഞ്ജു വാര്യര്, സുഹാസിനി, കീര്ത്തി സുരേഷ്, കല്യാണി പ്രിയദര്ശന്, ഫാസില്, സിദ്ദിഖ്, നെടുമുടി വേണു, ഇന്നസെന്റ്, അശോക് സെല്വന് തുടങ്ങിയവരാണ് ചിത്രത്തില് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് നിര്മ്മിക്കുന്ന ഈ എപ്പിക് ഹിസ്റ്റോറിക്കല് വാര് ചിത്രത്തിന്റെ തിരക്കഥ അനി ശശിയും പ്രിയദര്ശനും ചേര്ന്നെഴുതുന്നു.
കോപ്രൊഡ്യുസര്- ഡോ: സിജെ റോയി, സന്തോഷ് ടി കുരുവിള, ഛായാഗ്രഹണം- തിരു, ഗാനരചന- ബികെ ഹരിനാരായണന്, ഷാഫി കൊല്ലം, പ്രിയദര്ശന്, സംഗീതം- റോണി റാഫേല്, എഡിറ്റിംങ്- അയ്യപ്പന് നായര്.
Online PR - CinemaNewsAgency.Com