എഎസ് ദിനേശ്-
കൊച്ചി :
മോഹന്‍ലാലിനെ കേന്ദ്ര കഥാപാത്രമാക്കി പ്രിയദര്‍ശന്‍ സംവിധാനം ചെയ്യുന്ന നൂറു കോടി ബജറ്റ് ചിത്രമാണ് 'മരയ്ക്കാര്‍, അറബിക്കടലിന്റെ സിംഹം'.
ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന ഈ ചിത്രത്തിന്റെ തിരക്കഥ അനി ശശിയും പ്രിയദര്‍ശനും ചേര്‍ന്നെഴുതുന്നു.
സുനില്‍ ഷെട്ടി, അര്‍ജ്ജുന്‍, പ്രഭു, മുകേഷ്, ഇന്നസെന്റ്, നെടുമുടി വേണു, സിദ്ധിഖ്, സുരേഷ് കൃഷ്ണ, ബാബുരാജ്, ഗണേഷ് കുമാര്‍, മണിക്കുട്ടന്‍, മാമുക്കോയ, സന്തോഷ് കീഴാറ്റൂര്‍, നന്ദു, ഹരീഷ് പേരടി, ശ്രീകാന്ത് മുരളി, കൃഷ്ണ പ്രസാദ്, അശോക് സെല്‍വന്‍, സംവിധായകന്‍ ഫാസില്‍, നിര്‍മ്മാതാവ് സുരേഷ് കുമാര്‍, മഞ്ജു വാര്യര്‍, സുഹാസിനി, കീര്‍ത്തി സുരേഷ് തുടങ്ങിയവര്‍ക്കൊപ്പം പ്രണവ് മോഹന്‍ലാലും കല്യാണി പ്രിയദര്‍ശനും അഭിനയിക്കുന്നു.
കേരള ചരിത്രത്തിലെ വീര യോദ്ധാക്കളില്‍ പ്രമുഖനും പറങ്കിപ്പടയെ ഇന്ത്യയില്‍ നിന്നും തുരത്താന്‍ കടല്‍ യുദ്ധം ചെയ്ത് വിജയിച്ച കുഞ്ഞാലി മരയ്ക്കാരുടെ സംഭവ ബഹുലമായ ജീവിത കഥയാണ് ഈ ചിത്രത്തില്‍ ദൃശ്യവല്‍ക്കരിക്കുന്നത്.
കോപ്രൊഡ്യുസര് ഡോക്ടര്‍ സിജെ റോയി, സന്തോഷ് ടി കുരുവിള, ഗാനരചന- ബികെ ഹരിനാരായണന്‍, ഷാഫി കൊല്ലം, പ്രിയദര്‍ശന്‍, സംഗീതം- റോണി റാഫേല്‍, എഡിറ്റിംങ്- അയ്യപ്പന്‍ നായര്‍.
