സി എന് എ-
കൊച്ചി:
'കൈതി'ക്കു ശേഷം ലോകേഷ് കനകരാജ് സംവിധാനം ചെയ്ത ചിത്രമാണ് വിജയ് യും വിജയ് സേതുപതിയും പ്രധാന കഥാപാത്രങ്ങളാകുന്ന 'മാസ്റ്റര്'.
കോവിഡ് മൂലം 300 ദിവസത്തിലേറെയായി അടഞ്ഞു കിടന്ന തീയറ്ററുകള്ക്ക് ഒരു ശാപമോക്ഷം പോലെയാണ് ഇളയ ദളപതി വിജയ്യുടെ 'മാസ്റ്റര്' റിലീസിന് എത്തിയത്.
ഇപ്പോഴിതാ മാസ്റ്റര് ജനുവരി 29 മുതല് OTT പ്ലാറ്റ്ഫോമായ ആമസോണ് പ്രൈം വീഡിയോയില് എത്തുകയാണ്. ഈ വാര്ത്ത ആമസോണ് പ്രൈം തന്നെയാണ് പുറത്തുവിട്ടിരിക്കുന്നത്.
2.2 കോടി രൂപയായിരുന്നു മാസ്റ്ററിന്റെ കേരളത്തില് നിന്നുളള ആദ്യ ദിന കളക്ഷന്. കൊവിഡ് നിയന്ത്രണങ്ങള്ക്കിടയിലും കോടികള് വാരിക്കൂട്ടിയ ചിത്രമാണ് 'മാസ്റ്റര്'. ഇന്ത്യ മൊത്തിലുളള കണക്കില് 'മാസ്റ്റര്' ആദ്യ ദിനം നേടിയത് 42.50 കോടി രൂപയാണ്. അതില് തമിഴ്നാട്ടില് നിന്നു മാത്രം 26 കോടി രൂപ.
ട്രേഡ് അനലിസ്റ്റ് ആയ സുമിത് കഡേല് ആണ് കളക്ഷന് വിവരങ്ങള് പുറത്തുവിട്ടിരുന്ന പ്രകാരം:
തമിഴ്നാട്-26 കോടി, ആന്ധ്രപ്രദേശ് - 9 കോടി, കര്ണാടക - 4.5 കോടി, കേരളം - 2.2 കോടി, വടക്കേ ഇന്ത്യ - 0.8 കോടി.
13 ദിവസങ്ങള് കൊണ്ട് മൊത്തം 'മാസ്റ്റര്' വാരിക്കൂട്ടിയത് 220 കോടിയാണ്.