സി എന്‍ എ-
ചെന്നൈ:
സര്‍ക്കാര്‍ മാര്‍ഗനിര്‍ദേശങ്ങള്‍ ലംഘിച്ച് തിയറ്ററുകളില്‍ മുഴുവന്‍ ആളുകളെയും പ്രവേശിപ്പിച്ചു വെന്ന കാരണത്താല്‍ ചെന്നൈയിലെ തീയേറ്റര്‍ ഉടമകള്‍ക്കെതിരെ പോലീസ് കേസെടുത്തു.
കേന്ദ്രസംസ്ഥാന സര്‍ക്കാരുകളുടെ കോവിഡ് പ്രോട്ടൊക്കോള് നിര്‍ദേശങ്ങള്‍ അനുസരിക്കാതെയായിരുന്നു തമിഴ്‌നാട്ടിലെ പല തിയറ്ററുകളിലും സിനിമാ പ്രദര്‍ശനമെന്നു പറയുന്നു.
ചെന്നൈയിലെ ഭൂരിപക്ഷം തീയേറ്ററുകളിലും നൂറു ശതമാനം സീറ്റുകളില്‍ ആളെകയറ്റിയാണത്രെ 'മാസ്റ്റര്‍' പ്രദര്‍ശിപ്പിച്ചത്.
എന്നാല്‍ നിയന്ത്രണാതീതമായ വലിയ തിരക്കും വിജയ് ആരാധകരുടെ ബഹളവും കാരണമാണ് മുഴുവന്‍ സീറ്റിലും ആളെ പ്രവേശിപ്പിക്കേണ്ടി വന്നതെന്ന് തീയേറ്റര്‍ ഉടമകള്‍ പറയുന്നു.
അതെ സമയം നിയമ ലംഘനത്തിന്റെ പേരില്‍ തീയേറ്റര്‍ ഉടമകള്‍ക്കെതിരെ സെഷന്‍ 188, 269 വകുപ്പുകള്‍ പ്രകാരം പോലീസ് കേസെടുക്കുകയും പിഴചുമത്തുകയും ചെയ്തു.
