CNA
തിരു:
ശ്വേതാമേനോനെ നായികയാക്കി വൈറ്റല് പ്രൊഡക്ഷന്സിന്റെ ബാനറില് ജെ.കെ. നായര് നിര്മ്മിച്ച് ഋഷിപ്രസാദ് രചനയും സംവിധാനവും നിര്വ്വഹിക്കുന്ന 'മാതംഗി' യിലെ ഗാനങ്ങളുടെ ഓഡിയോ പ്രകാശിതമായി.
സംഗീത രത്നം കാഞ്ഞങ്ങാട് രാമചന്ദ്രനാണ് പ്രകാശനകര്മ്മം നിര്വ്വഹിച്ചത്.
ഋഷിപ്രസാദ് തന്നെ എഴുതിയ വരികള്ക്ക് സംഗീതം പകര്ന്നിരിക്കുന്നത് സോമസുന്ദരമാണ്. കെ എസ് ചിത്രയും രൂപേഷും ആലപിച്ച 'തെന്നലേ തെന്നലേ ......' എന്ന് തുടങ്ങുന്ന ഗാനം, സുജാതമോഹന് ആലപിച്ച 'മാര്ഗ്ഗഴി പ്രാവിനു പ്രണയം....', സുജാതയും രൂപേഷും ആലപിച്ച 'അനുരാഗിയായ മുല്ലേ....', തുടങ്ങീ മൂന്ന് ഗാനങ്ങളുടെ ഓഡിയോ ആണ് റിലീസായത്.
ഫാന്റസി ജോണറിലൊരുങ്ങുന്ന പ്രണയചിത്രത്തില് ശ്വേതാമേനോനു പുറമെ വിഹാന്, റിയാസ്ഖാന്, കോട്ടയം പ്രദീപ്, കുളപ്പുള്ളി ലീല, സുനിത ധന്രാജ്, രശ്മി ബോബന്, പ്രിയങ്ക, കെ പി സുരേഷ്കുമാര്, ഗീത മാടായിപ്പാറ, മുരളി വായാട്ട് എന്നിവരും കഥാപാത്രങ്ങളാകുന്നു.
ബാനര്- വൈറ്റല് പ്രൊഡക്ഷന്സ്, നിര്മ്മാണം- ജെ കെ നായര്, രചന, സംവിധാനം- ഋഷിപ്രസാദ്, എക്സിക്യൂട്ടീവ് പ്രൊഡ്യൂസര്- സി.പി കൃഷ്ണദാസ്, ഛായാഗ്രഹണം- ഉത്പല് വി നായനാര്, ആക്ഷന്- അഷ്റഫ് ഗുരുക്കള്, പ്രൊഡക്ഷന് കണ്ട്രോളര്- അരവിന്ദന് കണ്ണൂര്, പി ആര് ഒ- അജയ് തുണ്ടത്തില്.
തമിഴിലേക്കും തെലുങ്കിലേക്കും മൊഴിമാറ്റം നടത്തുന്ന ചിത്രത്തിന്റെ നിര്ണ്ണായക ഘട്ടത്തില് തമിഴിലെ രണ്ട് പ്രശസ്ത താരങ്ങള് അതിഥി വേഷത്തിലെത്തുന്നു.
Online PR - CinemaNewsAgency.Com
