സി എന് എ-
കൊച്ചി:
'മെമ്പര് രമേശന് 9ാംവാര്ഡ്' എന്ന സിനിമയുടെ പോസ്റ്ററുകള് പുറത്ത് വിട്ടു.
ബോബന് ആന്ഡ് മോളി എന്റര്ടേയ്ന്മെന്റ്സിന്റെ ബാനറില് നവാഗതരായ ആന്റോ ജോസ് പെരേര, എബി ട്രീസ പോള് എന്നിവര് രചനയും സംവിധാനവും നിര്വ്വഹിച്ച് അര്ജുന് അശോകന്, ചെമ്പന് വിനോദ്, ഇന്ദ്രന്സ്, മാമുക്കോയ, സാബുമോന്, ശബരീഷ് വര്മ്മ, രണ്ജി പണിക്കര്, ജോണി ആന്റണി എന്നിവര് പ്രധാന കഥാപാത്രങ്ങളാവുന്ന 'മെമ്പര് രമേശന് 9ാംവാര്ഡ്' എന്ന ചിത്രത്തിന്റെ പോസ്റ്ററുകള് പുറത്ത് വിട്ടു.
പ്രധാന കഥാപാത്രങ്ങളെ അവതരിപ്പിക്കുന്ന അര്ജുന് അശോകന്, സാബുമോന്, ജോണി ആന്റണി, സാജു കൊടിയന്, മാമുക്കോയ തുടങ്ങിയവരുടെ രസകരമായ തലക്കെട്ടുകളോടു കൂടിയ പോസ്റ്ററുകളാണ് അണിയറ പ്രവര്ത്തകര് പുറത്ത് വിട്ടിരിക്കുന്നത്.
കേരളത്തില് തദ്ദേശ തീരഞ്ഞെടുപ്പിന്റെ ചൂട്പിടച്ച പ്രചരണങ്ങള് നടക്കുന്ന സമയത്ത്, ജനശ്രദ്ധയാകര്ഷിക്കുന്നതും ആളുകളില് കൗതുകം ഉണര്ത്തുന്നതും ഈ സിനിമയുടെ പ്രൊമോഷണല് പോസ്റ്ററുകളാണ്.
ഛായാഗ്രഹണം- എല്ദോ ഐസക്, സംഗീതം- കൈലാസ് മേനോന്, എഡിറ്റിങ്- ദീപു ജോസഫ്, എക്സിക്യൂട്ടിവ് പ്രൊഡ്യൂസര്- ജോഷി തോമസ്.