CNA
തിരു:
കേരളത്തിലെ ചലച്ചിത്രമേളകള് വിയോജിപ്പ് പ്രകടിപ്പിക്കാനും അഭിപ്രായ സ്വാതന്ത്ര്യത്തിനുമുള്ള വേദിയെന്നു ധനമന്ത്രി കെ.എന്. ബാലഗോപാല്.
സെന്സറിങ് ഇല്ലാതെയാണ് മേളകളില് ചിത്രങ്ങള് പ്രദര്ശിപ്പിക്കുന്നത്. അത് സ്വാതന്ത്ര്യ ചിന്തകളെ പ്രോത്സാഹിപ്പിക്കുന്നതിനുള്ള അവസരമൊരുക്കാനാണെന്നും അദ്ദേഹം പറഞ്ഞു.
രാജ്യാന്തര ഹ്രസ്വ ചലച്ചിത്ര മേളയുടെ സമാപനം ഉദ്ഘാടനം ചെയ്യുകയായിരുന്നു അദ്ദേഹം. മഹാമാരികള് തളര്ത്തിയാലും കലാരംഗത്തിന് തളര്ച്ചയുണ്ടാകാതിരിക്കാന് കേരളം ജാഗരൂകമാണെന്നും അദ്ദേഹം പറഞ്ഞു.
സിനിമകളിലൂടെയുള്ള അഭിപ്രായ സ്വാതന്ത്ര്യത്തിന് രാജ്യത്ത് ഔദ്യോഗിക പ്ലാറ്റ് ഫോം ഒരുക്കുന്ന സംസ്ഥാനം കേരളം മാത്രമാണെന്ന് ചടങ്ങില് അധ്യക്ഷനായിരുന്ന മന്ത്രി സജി ചെറിയാന് പറഞ്ഞു.
സിനിമാ വ്യവസായത്തെ ഒരു മികച്ച തൊഴില് രംഗമായി വളര്ത്തിയെടുക്കാന് സര്ക്കാര് ശ്രമിക്കുകയാണെന്നും അദ്ദേഹം പറഞ്ഞു.
Courtesy : Kerala State Chalachitra Academy