എംഎം കമ്മത്ത്
കൊച്ചി:
'കുഞ്ഞിരാമായണം', 'ഗോദ' എന്നീ ചിത്രങ്ങള്‍ക്കു ശേഷം ബേസില്‍ ജോസഫ് സംവിധാനം ചെയ്യുന്ന 'മിന്നല്‍ മുരളി' എന്ന ടോവനോ തോമസ് ചിത്രത്തിന്റെ കര്‍ണാടകയിലെ ഷെഡ്യൂള്‍ പാക്കപ്പ് ആയി.
അണിയറ പ്രവര്‍ത്തകര്‍ തന്നെയാണ് ഈ വാര്‍ത്ത പുറത്തു വിട്ടത്.
നീണ്ട പത്ത് മാസത്തെ ഇടവേളക്ക് ശേഷം ചിത്രീകരണം പുനരാരംഭിച്ച 'മിന്നല്‍ മുരളി'ക്കു വേണ്ടി കര്‍ണാടകയില്‍ വലിയ സെറ്റുകളാണ് നിര്‍മ്മിച്ചത്. ചിത്രത്തിന്റെ അടുത്ത ഷെഡ്യൂള്‍ ഉടന്‍ പൊള്ളാച്ചിയില്‍ ചിത്രീകരണം ആരംഭിക്കും. കൂടാതെ വാഗമണ്‍, പാലക്കാട് എന്നീവിടങ്ങളിലെ ചിത്രീകരണം ബാക്കിയുണ്ട്.
ടോവിനോ ഒരു പ്രാദേശിക സൂപ്പര്‍ഹീറോയുടെ കഥാപാത്രത്തെ അവതരിപ്പിക്കുന്ന ചിത്രമാണ് 'മിന്നല്‍ മുരളി'.
വീക്കെന്‍ഡ് ബ്ലോക്ക്ബസ്റ്ററിന്റെ ബാനറില്‍ സോഫിയ പോള്‍ ആണ് ചിത്രം നിര്‍മ്മിക്കുന്നത്. ചിത്രത്തിന്റെ തിരക്കഥയൊരുക്കിയിരിക്കുന്നത് അരുണ്‍ അനിരുദ്ധനും ജസ്റ്റിന്‍ മാത്യുവും ചേര്‍ന്നാണ്. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ 5 ഭാഷകളില്‍ റിലീസ് ചെയ്യുന്ന പാന്‍ഇന്ത്യന്‍ ചിത്രമായിരിക്കും ഇത്.
ചിത്രത്തില്‍ ടോവിനോയ്ക്ക് പുറമേ അജു വര്‍ഗീസ്, ബൈജു, ഹരിശ്രീ അശോകന്‍, ഫെമിന ജോര്‍ജ് എന്നിവരാണ് മറ്റ് അഭിനേതാക്കള്‍.
കൂടാതെ 'ജിഗര്‍ത്തണ്ട', 'ജോക്കര്‍' തുടങ്ങിയ ചിത്രങ്ങളിലൂടെ മലയാളിക്കും പരിചിതനായ തമിഴ് താരം ഗുരു സോമസുന്ദരവും ചിത്രത്തിലെ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
ക്യാമറ- സമീര്‍ താഹിര്‍, സംഗീത സംവിധാനം- ഷാന്‍ റഹ്മാന്‍ന്‍, തിരക്കഥ- ജസ്റ്റിന്‍ മാത്യു, അരുണ്‍ അരവിന്ദന്‍, കലാസംവിധാനം- മനു ജഗത്.
ചിത്രത്തിലെ രണ്ടു സംഘട്ടന രംഗങ്ങള്‍ സംവിധാനം ചെയ്യുന്നത് 'ബാറ്റ്മാന്‍', 'ബാഹുബലി', 'സുല്‍ത്താന്‍' തുടങ്ങിയ ചിത്രങ്ങള്‍ക്ക് പിന്നില്‍ പ്രവര്‍ത്തിച്ച വ്‌ലാഡ് റിംബര്‍ഗാണ്. വി എഫ് എക്‌സ് സൂപ്പര്‍വൈസര്‍- ആന്‍ഡ്രൂ ഡിക്രൂസാണ്.
മലയാളം, തമിഴ്, തെലുങ്ക്, കന്നഡ, ഹിന്ദി എന്നീ 5 ഭാഷകളില്‍ റിലീസ് ചെയ്യുന്ന പാന്‍ഇന്ത്യന്‍ ചിത്രമായിരിക്കും ഇത്.
Online PR - CNA.
