ന്യൂസ് ഡെസ്ക്-
ഹൈദ്രാബാദ്::
കീര്ത്തി സുരേഷ് പ്രധാന വേഷത്തിലെത്തുന്ന 'മിസ് ഇന്ത്യ' എന്ന തെലുങ്ക് ചിത്രത്തിന്റെ ട്രെയിലര് പുറത്തിറങ്ങി. ചിത്രം നവംബര് 4ന് NETFLIX വഴിയാണ് പ്രേക്ഷകരിലെത്തുക. നരേന്ദ്രനാഥാണ് ചിത്രത്തിന്റെ സംവിധായകന്.
ഒരു സാധാരണ കുടുംബത്തില് ജനിച്ചു വളര്ന്ന്, തന്റേതായ സ്വപ്നങ്ങള് നെയ്തു കൂട്ടി, ഒരു വലിയ ബിസിനസ് സാമ്രാജ്യം കെട്ടിപ്പടുക്കുന്ന യുവതിയുടെ വേഷത്തിലാണ് കീര്ത്തി സുരേഷ് എത്തുന്നത്. സംയുക്ത മാനസ എന്ന പെണ്കുട്ടിക്ക് സ്വന്തം സ്വപ്നങ്ങളും മുത്തച്ഛന്റെ ആഗ്രഹങ്ങളും നിറവേറ്റണം. അമേരിക്കയില് പോകുന്നതോടെ സംയുക്ത തന്റെതായുള്ളില് സ്വയം കണ്ടെത്തലുകള് നടത്തുന്നു. അതിന്റെ ഫലമായി ചായപ്പൊടി നിര്മ്മാണത്തിന്റെ ബിസിനസ് സാമ്രാജ്യം കെട്ടിപ്പടുക്കുന്നു.
തെലുങ്ക് ചിത്രത്തിന്റെ മലയാളം ട്രെയ്ലറും പുറത്തിറക്കിയിട്ടുണ്ട്.
'പെന്ഗ്വിന്' എന്ന സിനിമക്കു ശേഷം കീര്ത്തി അഭിനയിക്കുന്ന ഈ സിനിമയില് 'പുലിമുരുകനിലൂടെ മലയാളികള്ക്ക് സുപരിചിതനായ ജഗപതി ബാബുവാണ് വില്ലന് വേഷത്തിലെത്തുന്നത്. ചിത്രത്തില് നദിയാ മൊയ്തു, നരേഷ് തുടങ്ങിയവരും സിനിമയില് അഭിനയിക്കുന്നുണ്ട്.