Editor- MM Kamath
കൊച്ചി:
നവംബര് 5ന് തിയേറ്ററില് എത്തുന്ന 'മിഷന് സി' എന്ന ചിത്രത്തിന്റെ പ്രിവ്യു കണ്ട ശേഷം മലയാളത്തിന്റെ എക്കാലത്തെയും 'രാജ സംവിധായകന്' ജോഷി പറഞ്ഞ അഭിപ്രായം 'മികച്ച എന്ഗേജിങ് ത്രില്ലര് ചിത്രം' എന്നാണ്.
ഈ വാക്കുകള് 'മിഷന് സി' യുടെ പ്രതീക്ഷ ഏറെ ഉയര്ത്തുകയാണ്. കാരണം, മലയാളത്തിലെ ത്രില്ലര് സിനിമകളുടെയും ആക്ഷന് സിനിമകളുടെയും സംവിധാന കുലപതി എന്ന് വിശേഷിപ്പിക്കാവുന്ന ജോഷിയാണ് അഭിപ്രായം പറഞ്ഞിരിക്കുന്നത് എന്നത് കൊണ്ടാണത്.
യുവ നടന് അപ്പാനി ശരത്തിനെ നായകനാക്കി വിനോദ് ഗുരുവായൂര് തിരക്കഥയെഴുതി സംവിധാനം ചെയ്യുന്ന ചിത്രമാണ് 'മിഷന് സി' നവംബര് 5ന് ഇന്ത്യയിലുടനീളം മേപ്പാടന് ഫിലിംസ് റിലീസ് തിയ്യേറ്ററികളിലെത്തിക്കുന്നു.
എം സ്ക്വയര് സിനിമയുടെ ബാനറില് മുല്ല ഷാജി നിര്മിക്കുന്ന 'മിഷന് സി' എന്ന റിയലിസ്റ്റിക് ക്രൈം ആക്ഷന് എന്ഗേജിങ് ത്രില്ലര് ചിത്രത്തില് മീനാക്ഷി ദിനേശാണ് നായിക. മേജര് രവി, ജയകൃഷ്ണന്, കൈലാഷ്, ഋഷി തുടങ്ങിയ പ്രമുഖരും അഭിനയിക്കുന്നു.
സുശാന്ത് ശ്രീനി ഛായാഗ്രഹണം നിര്വ്വഹിക്കുന്നു.
സുനില് ജി ചെറുകടവ് എഴുതിയ വരികള്ക്ക് ഹണി, പാര്ത്ഥസാരഥി എന്നിവര് സംഗീതം പകരുന്നു. വിജയ് യേശുദാസ്, അഖില് മാത്യു എന്നിവരാണ് ഗായകര്. എഡിറ്റര്- റിയാസ് കെ ബദര്, പ്രൊഡക്ഷന് കണ്ട്രോളര്- ബിനു മുരളി, കല- സഹസ് ബാല, മേക്കപ്പ്- മനോജ് അങ്കമാലി, വസ്ത്രാലങ്കാരം- സുനില് റഹ്മാന്,
സ്റ്റില്സ്- ഷാലു പേയാട്, ആക്ഷന്- കുങ്ഫ്യൂ സജിത്ത്, പ്രൊഡക്ഷന് എക്സിക്യൂട്ടീവ്- അബിന്. വാര്ത്ത പ്രചരണം- എ.എസ്. ദിനേശ്.
Online PR - CinemaNewsAgency.Com