Editor- MM Kamath
കൊച്ചി:
സാന്‍ ഡിയാഗോ ചലച്ചിത്രമേളയില്‍ മികച്ച സിനിമയായി 'മ്' (സൗണ്ട് ഓഫ് പെയിന്‍ )'.
ഏരീസ് ഗ്രൂപ്പിന്റെ ബാനറില്‍ കവിയും, ഹോളിവുഡ് സംവിധായകനുമായ ഡോ. സോഹന്‍ റോയ് നിര്‍മ്മിച്ച് വിജീഷ് മണി കഥയെഴുതി സംവിധാനം ചെയ്ത 'മ്' ( സൗണ്ട് ഓഫ് പെയിന്‍ ) വിദേശ ചിത്രങ്ങളെ പിന്തളളിയാണ് അവസാന റൗണ്ടില്‍ ഈ ഇന്ത്യന്‍ ചിത്രം വിജയം കൈവരിച്ചത്.
മുന്‍പ് പാരീസ് ഫിലിം ഫെസ്റ്റിവലില്‍ മികച്ച ചിത്രം, നവാഡ ഇന്റര്‍നാഷണല്‍ ഫിലിം ഫെസ്റ്റിവലിലെ, ബെസ്റ്റ് ജൂറി അവാര്‍ഡും ഈ സിനിമയ്ക്ക് ലഭിച്ചിരുന്നു. കൂടാതെ നിരവധി അന്താരാഷ്ട്ര പുരസ്‌കാരങ്ങള്‍ നേടിയിട്ടുള്ള ചിത്രം ഈ വര്‍ഷത്തെ ഓസ്‌കര്‍ ചുരുക്ക പട്ടികയില്‍ ഇടം നേടിയ സിനിമ കൂടിയാണ് 'മ്' ( സൗണ്ട് ഓഫ് പെയിന്‍ ).
കുറുംബ ഭാഷയില്‍ പുറത്തിറക്കിയ ചിത്രത്തില്‍ നായക കഥാപാത്രത്തെ അവതരിപ്പിക്കുന്നത് ഫുട്‌ബോള്‍ താരം ഐ.എം. വിജയനാണ്.
തേന്‍ ശേഖരണം ഉപജീവനമാര്‍ഗ്ഗമാക്കിയ കുറുംബ വിഭാഗത്തില്‍പ്പെട്ട ഒരു ആദിവാസി കുടുംബനാഥന് പാരിസ്ഥിതിക പ്രശ്‌നങ്ങള്‍ മൂലമുണ്ടാകുന്ന പ്രതിസന്ധികളാണ് സിനിമയുടെ പ്രമേയം. ജുബൈര്‍ മുഹമ്മദ് സംഗീതം നല്‍കി അമേരികന്‍ ഗായകന്‍ എഡോണ്‍ മൊള്ളയും ഈ വര്‍ഷത്തെ വോയ്‌സ് ഓഫ് ആസ്‌ട്രേലിയ ജാനകി ഈശ്വറും ചേര്‍ന്നു പാടിയ പാട്ട് ഏറെ ശ്രദ്ധ നേടിയിരുന്നു. മറ്റൊരു ഗാനം ആലപിച്ചത് ഗോത്ര ഗായിക നഞ്ചമ്മയാണ്. പ്രകാശ് വാടിക്കല്‍ തിരക്കഥയും ദേശീയ അവാര്‍ഡ് ജേതാവ് ബി. ലെനിന്‍ ചിത്രത്തിന്റെ എഡിറ്റിങ്ങും നിര്‍വ്വഹിച്ചിരിക്കുന്നു.
ക്യാമറ- ആര്‍. മോഹന്‍, പശ്ചാത്തലസംഗീതം- ശ്രീകാന്ത് ദേവ.
യുവനടന്‍ വിയാന്‍ ആണ് ചിത്രത്തിന്റെ പ്രൊജക്ട് കോര്‍ഡിനേറ്റര്‍.
ഡോ സോഹന്‍ റോയ് വിജീഷ്മണി ടീം ഒരുക്കുന്ന, മനുഷ്യ മനസ്സാക്ഷിയെ ഏറെ വേദനിപ്പിച്ച അട്ടപ്പാടിയില്‍ വിശപ്പിന്റെ പേരില്‍ നടന്ന മധുവിന്റെ മരണം ആസ്പദമാക്കി അപ്പാനി ശരത് പ്രധാന വേഷത്തില്‍ അഭിനയിക്കുന്ന 'ആദിവാസി' എന്ന ചിത്രത്തിന്റെ ജോലികള്‍ പുരോഗമിക്കുകയാണ്.
Online PR - CinemaNewsAgency.Com
