എംഎം കമ്മത്ത്
കൊച്ചി:
സൂപ്പര്‍ ഹിറ്റായ 'വിജയ് സൂപ്പറും പൗര്‍ണ്ണമിയും' എന്ന ചിത്രത്തിനു ശേഷം ജിസ് ജോയ് തിരക്കഥ എഴുതി സംവിധാനം ചെയ്യുന്ന 'മോഹന്‍കുമാര്‍ ഫാന്‍സിലെ 'നീലമിഴി കൊണ്ടു നീ...' എന്ന് ആരംഭിക്കുന്ന വിജയ് യേശുദാസും ശ്വേത മോഹനും ചേര്‍ന്ന് ആലപിച്ച ഗാനം ജനശ്രദ്ധ നേടി.
ഇന്നലെ റിലീസ് ചെയ്ത ഗാനം സിനിമാപ്രേമികള്‍ ഇരുകൈകളും നീട്ടി സ്വീകരിച്ചു. സംവിധായകന്‍ ജിസ് ജോയ് തന്നെ എഴുതിയ ഗാനങ്ങള്‍ക്ക് പ്രിന്‍സ് ജോര്‍ജ്ജാണ്
ഈണം പകര്‍ന്നിരിക്കുന്നത്.
കുഞ്ചാക്കോ ബോബന്‍, അനാര്‍ക്കലി നാസര്‍ എന്നിവര്‍ കേന്ദ്രകഥാപാത്രങ്ങളാകുന്ന 'മോഹന്‍കുമാര്‍ ഫാന്‍സ്' മാര്‍ച്ച് പത്താമ്പതിനാണ് തീയറ്ററുകളില്‍ പ്രദര്‍ശനത്തിനെത്തുന്നത്.
ശ്രീനിവാസന്‍, മുകേഷ്, സിദ്ധിഖ്, സൈജു കുറുപ്പ്, വിനയ് ഫോര്‍ട്ട്, രമേഷ് പിഷാരടി, ആദില്‍, അലന്‍സിയാര്‍, സുധീര്‍ കരമന, മേജര്‍ രവി, ടിജി രവി, കൃഷ്ണ ശങ്കര്‍, കെപിഏസി ലളിത, ദീപ തോമസ് തുടങ്ങിയവരാണ് മറ്റു പ്രമുഖ താരങ്ങള്‍.
മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫന്‍ നിര്‍മ്മിക്കുന്ന ഈ ചിത്രത്തിന്റെ ചിത്രത്തിന്റെ കഥ ബോബി സഞ്ജയ്‌യുടേതാണ്. ഛായാഗ്രഹണം ബാഹുല്‍ രമേഷ് നിര്‍വ്വഹിക്കുന്നു. സംഗീതം- പ്രിന്‍സ് ജോര്‍ജ്ജ്, എഡിറ്റിംങ്- രതീഷ് രാജ്, കല സംവിധാനം- ഷിജി പട്ടണം, എക്‌സിക്യൂട്ടീവ് പ്രൊഡ്യൂസര്- നവീന്‍ തോമസ്, ലൈന്‍ പ്രൊഡ്യൂസര്- സന്തോഷ് കൃഷ്ണന്‍, പ്രൊഡക്ഷന് കണ്ട്രോളര്- സന്‍ച്ചു ജെ, പ്രൊഡക്ഷന് എക്‌സിക്യൂട്ടീവ്- ആന്റണി ഏലൂര്‍, പിആര്‍ഒ- വാഴൂര്‍ ജോസ്.
Online PR - CNA.
