Editor - MM Kamath
കൊച്ചി:
ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂര് നിര്മ്മിക്കുന്ന മോഹന്ലാലും ഷാജി കൈലാസും ഒന്നിക്കുന്ന പേരിടാത്ത ചിത്രത്തിന്റെ പൂജ കൊച്ചിയില് നടന്നു.
കെച്ചി ഏലൂരുള്ള വി.വി.എം. സ്റ്റുഡിയോ ഫ്ളോറില് വെച്ചായിരുന്നു പൂജ.
സംവിധായകന് ഷാജി കൈലാസ് തന്നെയാണ് ഈ വാര്ത്ത തന്റെ ഫേസ്ബുക്ക് പേജിലൂടെ പുറത്തുവിട്ടത്.
ഷാജി കൈലാസും ആന്റണി പെരുമ്പാവൂരും ഭദ്രദീപം കൊളുത്തി പൂജാച്ചടങ്ങുള്ക്ക് തുടക്കമായി. തൊട്ടുപിന്നാലെ ഷൂട്ടിംഗും തുടങ്ങി.
ഇന്ന് ഹര്ത്താല് ദിനമായതിനാല് റോഡില് ട്രാഫിക്ക് കുറവായതിനാല് റോഡിലൂടെയുള്ള ഷൂട്ടിംഗ് ബുദ്ധിമുട്ടില്ലാതെ നടക്കുമെന്നുള്ളതുകൊണ്ടാണ് ചിത്രീകരണം ഇന്ന് തന്നെ ആരംഭിച്ചത്. റോഡിലെ പാസ്സിംഗ് ഷോട്ടുകളാണ് ഇന്ന് എടുക്കുന്നത്.
കണ്ടൈനര് റോഡ്, നാഷണല് ഹൈവേ, വൈറ്റില ജംഗ്ഷന് തുടങ്ങിയ സ്ഥലങ്ങളിലാണ് ചിത്രീകരിക്കുക.
ട്വല്ത്ത് മാന്റെ ചിത്രീകരണം ഒക്ടോബര് 3 ന് പൂര്ത്തിയാക്കിയതിനു ശേഷം ഒക്ടോബര് 5 ന് മോഹന്ലാല് ഷാജികൈലാസ് ചിത്രത്തില് ചേരും.
നീണ്ട 12 വര്ഷത്തെ ഇടവേളയ്ക്കു ശേഷമാണ് മോഹന്ലാല് ഷാജി കൈലാസ് കൂട്ടുകെട്ടില് വീണ്ടും ഒരു ചിത്രം ഒരുങ്ങുന്നത്.
ഛായാഗ്രഹണം- അഭിനന്ദന് രാമാനുജന്, തിരക്കഥ- രാജേഷ് ജയറാം, കലാസംവിധാനം- രാജേഷ്ജയരാമന്, പ്രൊഡക്ഷന് കണ്ട്രോളര്- സജി ജോസഫ്.
ചിത്രത്തെക്കുറിച്ചുള്ള കൂടുതല് വിവരങ്ങള് പുറത്തു വിട്ടിട്ടില്ല.
സെപ്തംബര് 8ന് മോഹന്ലാല് തന്റെ ഫേസ്ബുക്ക് പേജിലൂടെ ഈ വാര്ത്ത പുറത്തുവിട്ടിരുന്നു.
Online PR - CinemaNewsAgency.Com