അഞ്ജു അഷറഫ്-
കൊച്ചി:
ചലച്ചിത്ര മേഖലയെ സംബന്ധിച്ചിടത്തോളം ഇതൊരു രണ്ടാമിന്നിംഗ്‌സാണ്. അടച്ചിട്ട 290 ദിവസങ്ങള്‍ക്കുശേഷം തുറന്നു പ്രവര്‍ത്തനം ആരംഭിച്ച സിനിമ തീയ്യേറ്ററുകളിലേക്ക് ജനം വന്നുതുടങ്ങുന്നതേയുള്ളൂ.
സിനിമയുമായി ബന്ധപ്പെട്ട വിവിധ അസോസിയേഷനുകളുടെ കൂട്ടായ നീക്കങ്ങളും തീരുമാനങ്ങളുമാണ് ഇന്നത്തെ അനുകൂല സാഹചര്യം ഒരുക്കിയത്.
ജനുവരി 13 ന് വിജയ്‌യുടെ 'മാസ്റ്റര്‍' റിലീസ് ചെയ്തുകൊണ്ട് റീ ഓപ്പണിങ് ഗംഭീരമാക്കിയ തിയേറ്ററുകളില്‍ 22 മുതല്‍ മലയാള ചിത്രങ്ങള്‍ എത്തി തുടങ്ങും. ജനുവരി, ഫെബ്രുവരി, മാര്‍ച്ച് മാസങ്ങളില്‍ 19 മലയാള ചിത്രങ്ങള്‍ റിലീസ് ചെയ്യുമെന്നു കേരള ഫിലിം പ്രൊഡ്യൂസേഴ്സ് അസോസിയേഷന്‍ അറിയിച്ചു.
ചിത്രീകരണം പൂര്‍ത്തിയായ സിനിമകളുടെ നിര്‍മ്മാതാക്കളുമായി അസോസിയേഷന്‍ ഭാരവാഹികള്‍ നടത്തിയ ചര്‍ച്ചയിലെ തീരുമാനപ്രകാരമാണ് പുതിയ സിനിമകളുടെ റിലീസ് തീയതി പ്രഖ്യാപിച്ചിട്ടുള്ളത്.
പ്രൊഡ്യൂസേഴ്സ് അസോസിയേഷന്‍ പ്രഖ്യാപിച്ച ലിസ്റ്റ് പ്രകാരം റിലീസ് ചെയ്യുന്ന മലയാള സിനിമകള്‍ ഇപ്രകാരമാണ്...
ജനുവരി
22-1-2021 - 'വെള്ളം'
29-1-2021 - 'വാങ്ക്'
29-1-2021 - 'ലവ്'
ഫെബ്രുവരി
4-2-2021 - 'ദി പ്രീസ്റ്റ്'
4-2-2021 - 'മോഹന്‍കുമാര്‍ ഫാന്‍സ്'
12-2-2021 - 'സാജന്‍ ബേക്കറി Since 1962'
12-2-2021 - 'ഓപ്പറേഷന്‍ ജാവ'
12-2-2021 - 'യുവം'
19-2-2021 - 'മരട് 357'
19-2-2021 - 'വര്‍ത്തമാനം'
19-2-2021 - 'വെളുത്ത മധുരം'
26-2-2021 - 'സഹ്യാദ്രിയിലെ ചുവന്ന പൂക്കള്‍'
26-2-2021 - 'ടോള്‍ഫ്രീ 1600 600 60'
26-2-2021 - 'അജഗജാന്തരം'
26-2-2021 - 'സണ്ണി'
മാര്‍ച്ച്
4-3-2021 - 'നിഴല്‍' or 'കോള്‍ഡ് കേസ്'
12-3-2021 - 'മൈഡിയര്‍ മച്ചാന്‍സ്'
12-3-2021 - 'ഇവ'
21-3-2021 - 'T സുനാമി' എന്നീ ചിത്രങ്ങളാണ് ജനുവരി ഫെബ്രുവരി മാര്‍ച്ച് മാസങ്ങളില്‍ റിലീസ് ചെയ്യുന്നത്.
