സി എന് എ-
കൊച്ചി:
ടെലിവിഷന് പ്രേക്ഷകരുടെ ഇഷ്ട താരങ്ങളായ മൃദുല വിജയ്യും യുവ കൃഷ്ണയും വിവാഹിതരാകുന്നു. തിരുവനന്തപുരം സ്വദേശിയായ വിജയകുമാറിന്റെയും റാണിയുടെയും മകളാണ് മൃദുല. പാലക്കാട് സംഗീത നൃത്ത അധ്യാപികയായ കൃഷ്ണവേണിയുടെ മകനാണ് യുവ കൃഷ്ണ. ഡിസംബര് 23ന് തിരുവനന്തപുരത്ത് വച്ചാണ് ഇരുവരുടേയും വിവാഹ നിശ്ചയം. 2021 ഓഗസ്റ്റിലായിരിക്കും വിവാഹം. മൃദുലയും യുവ കൃഷ്ണയും രണ്ടുപേരും തിരക്കുള്ള സീരിയല് താരങ്ങളാണ്. പരസ്പരം അറിയുന്നവരുമാണ്. 'മഞ്ഞില് വിരിഞ്ഞ പൂക്കള്' എന്ന സീരിയലില് ആണ് യുവ കൃഷ്ണ ഇപ്പോള് അഭിനയിച്ചുകൊണ്ടിരിക്കുന്നത്. 2015 മുതല് സീരിയല് രംഗത്ത് സജീവമാണ് മൃദുല. ഇരുവരുടെയും കുടുംബങ്ങള് ചേര്ന്ന് ആലോചിച്ച് ഉറപ്പിച്ചതാണ് വിവാഹം.