സി എന് എ-
ചെന്നൈ:
ധനുഷിനെ നായകനാക്കി സെല്വരാഘവന് തിരക്കഥയെഴുതി സംവിധാനം ചെയ്യുന്ന പുതിയ ചിത്രമാണ് 'നാനേ വരുവേന്'. ചിത്രത്തിന്റെ പോസ്റ്ററുകള് പുറത്തുവിട്ടു. സെല്വരാഘവന്റെയും ധനുഷിന്റെയും സോഷ്യല് മീഡിയ പേജുകളിലൂടെയാണ് ചിത്രത്തിന്റെ രണ്ട് തരത്തിലുള്ള പോസ്റ്ററുകള് പങ്കുവെച്ചിരിക്കുന്നത്.
'ആയിരത്തില് ഒരുവന്' എന്ന ചിത്രത്തിന്റെ രണ്ടാം ഭാഗം ഒരുക്കുന്നതായി പ്രഖ്യാപനം നടത്തിയതിന്റെ തൊട്ടു പിന്നാലെയാണ് പുതിയ ചിത്രത്തിന്റെ പേര് പുറത്തുവിട്ടിരിക്കുന്നത്.
ധനുഷിന്റെ 'കര്ണന്' എന്ന ചിത്രത്തിന്റെ നിര്മ്മാതാവ് കലൈപുലി തനുവാണ് 'നാനേ വരുവേന്' നിര്മ്മിക്കുന്നത്.
ചിത്രത്തിനായി സംഗീതം ഒരുക്കുന്നത് യുവന് ശങ്കര രാജ. ഛായാഗ്രഹണം അരവിന്ദ് കൃഷ്ണ നിര്വഹിക്കുന്നു. ആക്ഷന് പശ്ചാത്തലത്തില് ഒരുങ്ങുന്ന 'നാനേ വരുവേന്റെ കഥയില് ഒരു ജീപ്പും നിര്ണായക പങ്കുവഹിക്കുന്നുണ്ട്. ചിത്രം 2021 മാര്ച്ചില് തുടങ്ങുമെന്നാണ് പ്രതീക്ഷ.