സി എന്‍ എ-
കൊച്ചി:
ആഷിക് അബു സംവിധാനം ചെയ്യുന്ന 'നാരദനില്‍ ടോവിനോ തോമസ് കേന്ദ്രകഥാപാത്രത്തെ അവതരിപ്പിക്കും. 'മായാനദി', 'വൈറസ്' എന്നീ ചിത്രങ്ങള്‍ക്ക് ശേഷം ആഷിക്കും ടോവിനോയും കൈകോര്‍ക്കുന്ന സിനിമയാണ് 'നാരദന്‍'. ടോവിനോ നായകനാകുന്ന സിനിമയില്‍ അന്നാബെന്നാണ് നായിക. ഉണ്ണി ആര്‍ തിരക്കഥയെഴുതുന്നു. സന്തോഷ് കുരുവിള, ആഷിക് അബു, റിമ കല്ലിങ്കല്‍ എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തില്‍ പഴയ മുഖങ്ങളും ഒരുപിടി പുതിയ മുഖങ്ങളും പ്രധാനകഥാപാത്രങ്ങളെ അവതരിപ്പിക്കുന്നു. പുതുമുഖ അഭിനേതാക്കളെ കണ്ടെത്തുന്നതിന്റെ ഭാഗമായി നടത്തുന്ന ഓഡീഷനിലേക്ക് 22 നും 24 നും മദ്ധ്യേ പ്രായമുള്ള യുവതി യുവാക്കള്‍ക്ക് അവസരം. 'നാരദന്‍' സിനിമയില്‍ അഭിനയിക്കാന്‍ താല്‍പര്യം ഉള്ളവര്‍ casting@opmcinemas.com എന്ന മെയില്‍ ഐഡിയിലേക്ക് വിവരങ്ങള്‍ അയച്ചു നല്‍കാനാണ് അറിയിച്ചിരിക്കുന്നത്.
