സി എന്‍ എ-
ചെന്നൈ:
നരേന്‍, ജോജു ജോര്‍ജ്ജ്, ഷറഫുദ്ദീന്‍ തുടങ്ങിയവര്‍ ഒന്നിക്കുന്ന പുതിയ ചിത്രത്തിന്റെ പൂജ ചെന്നൈയില്‍ നടന്നു.
യുഎന്‍ ഫിലിം ഹൗസ്, ജുവിസ് പ്രൊഡക്ഷന്സ്, എഎഎആര്‍ പ്രൊഡക്ഷന്സ് എന്നീ ബാനറുകള്‍ സംയുക്തമായി നിര്‍മ്മിക്കുന്ന 2 സിനിമകളില്‍ ഒന്നാണ് ഈ ബിഗ് ബജറ്റ് മള്‍ട്ടി സ്റ്റാര്‍ ചിത്രം.
ഇതേ ബാനറില്‍ ഒരുങ്ങുന്ന തമിഴ് ചിത്രത്തില്‍ നരേനോടൊപ്പം 'പരിയേറും പെരുമാള്‍' എന്ന ചിത്രത്തിലൂടെ ശ്രദ്ധ നേടിയ കതിര്‍, ആനന്ദി ജോഡി പ്രാധാന കഥാപാത്രങ്ങളെ അവതരിപ്പിക്കുന്നു. രഞ്ജിന്‍ രാജാണ് ചിത്രത്തിന്റെ സംഗീതസംവിധാനം നിര്‍വ്വഹിക്കുന്നത്. ഈ ചിത്രത്തില്‍ തെന്നിന്ത്യയിലെ ഒട്ടനവധി പ്രധാന താരങ്ങള്‍ അഭിനയിക്കുന്നുണ്ട്. സാക് ഹാരിസ് ആണ് ഈ ചിത്രത്തിന്റെ സംവിധായകന്‍.
ആത്മീയ രാജന്‍, കായല്‍ ആനന്ദി, അനു കൃതി വാസ് തുടങ്ങിയവരാണ് ഈ ചിത്രത്തിലെ നായികമാര്‍.
തെന്നിന്ത്യയിലെ പ്രമുഖ താരങ്ങളായ പ്രതാപ് പോത്തന്‍, ജോണ്‍ വിജയ്, മുനിഷ്‌കാന്ത്, സിനില്‍ സൈന്‍യുദീന്‍, വിനോദിനി, അഞ്ജലി റാവു തുടങ്ങിയവരും സിനിമയില്‍ പ്രധാന കഥാപാത്രങ്ങളായുണ്ട്.
ചെന്നൈ, കൊച്ചി എന്നിവിടങ്ങളിലായാണ് സിനിമയുടെ ആദ്യഘട്ട ചിത്രീകരണം നടക്കുക. തെന്നിന്ത്യയിലെ ഏറ്റവും മികച്ച അണിയറപ്രവര്‍ത്തകരാണ് ഈ സിനിമയുടെ പിന്നണിയില്‍ അണിനിരക്കുന്നത്.
ചിത്രത്തിന്റെ പേരും കൂടുതല്‍ വിവരങ്ങളും വരും ദിവസങ്ങളില്‍ പങ്കുവെക്കുന്നതാണെന്ന് സിനിമയുടെ അണിയറ പ്രവര്‍ത്തകര്‍ അറിയിച്ചു.
