സി എന് എ-
മുംബൈ:
ബോളിവുഡ് താരം വിദ്യാ ബാലന് ആദ്യമായി അഭിനയിച്ച ഹ്രസ്വചിത്രം നട്ഖട് ഓസ്കാര് 2021ല് മികച്ച ഹ്രസ്വചിത്ര വിഭാഗത്തിലേക്കുള്ള മത്സരത്തിനായി തിരഞ്ഞെടുക്കപ്പെട്ടു.
നാരവധി അംഗീകാരങ്ങള് സ്വന്തമാക്കിയ ഒരു ഹ്രസ്വചിത്രമാണ് കഴിഞ്ഞവര്ഷം പുറത്തിറങ്ങിയ 'നട്ഖട്'. 33 മിനിറ്റ് ദൈര്ഘ്യമുള്ള ചിത്രം സംവിധാനം ചെയ്തിരിക്കുന്നത് ഷാന് വ്യാസ് ആണ്. 'നട്ഖട്' നിര്മ്മാതാവ് വിദ്യാബാലന് തന്നെയാണ്.
വി ആര് വണ് ഗ്ലോബല് ഫിലിം ഫെസ്റ്റിവലില് പ്രദര്ശിപ്പിച്ച ചിത്രം ജര്മ്മന് സ്റ്റാര് ഓഫ് ഇന്ത്യ അവാര്ഡും (ഇന്ത്യന് ഫിലിം ഫെസ്റ്റിവല് സ്റ്റട്ട്ഗര്ട്ട്) സ്വന്തമാക്കിയിരുന്നു. സമൂഹത്തിലെ അസമത്വവും പുരുഷാധിപത്യവും ഗാര്ഹികപീഡനവും ബലാത്സംഘവുമെല്ലാം വിഷയമാക്കുന്ന ചിത്രമാണ് 'നട്ഖട്'.
ഓസ്കാറിലേക്ക് തിരഞ്ഞെടുത്ത വാര്ത്ത പുറത്തുവന്നതോടെ നിരവധിപേരാണ് ചിത്രത്തിന് അഭിനന്ദനവുമായി എത്തിയത്.