സി എന്‍ എ-
കൊച്ചി:
തന്റെ ഇന്‍സ്റ്റഗ്രാം അക്കൗണ്ട് ഹാക്ക് ചെയ്യപ്പെട്ടതായി നടി നസ്രിയ ഫഹദ്.
ഇന്നലെ രാത്രി നസ്രിയയുടെ ഇന്‍സ്റ്റഗ്രാമില്‍ ഒരു ലൈവ് പ്രത്യക്ഷപ്പെടുകയും തുടര്‍ന്ന് മറ്റേതോ ഭാഷ സംസാരിക്കുന്ന രണ്ട് പേരുടെ നിഴലമാണ് വീഡിയോയില്‍ ഉണ്ടായിരുന്നത്. ആദ്യം ആരാധകര്‍ കരുതിയത് ഇത് നസ്രിയയുടെയും ഫഹദിന്റെയും നിഴല്‍ ആണെന്നാണ്. പിന്നീട് ചില മോശം വാക്കുകള്‍ വീഡിയോയിലുള്ളവര്‍ ഉപയോഗിച്ചതോടെ അക്കൗണ്ട് ഹാക്ക് ചെയ്യപ്പെട്ടതായി സംശയിക്കുകയും തുടര്‍ന്ന് നസ്രിയ തന്നെ ഇന്‍സ്റ്റഗ്രാം സ്‌റ്റോറിയില്‍ ഇക്കാര്യം വ്യക്തമാക്കുകയുമായിരുന്നു.
'ഏതോ കോമാളികള്‍ എന്റെ ഇന്‍സ്റ്റഗ്രാം അക്കൗണ്ട് ഹാക്ക് ചെയ്തിരിക്കുന്നു. കുറച്ചു ദിവസത്തേക്ക് എന്റെ പ്രൊഫൈലില് നിന്നു വരുന്ന മെസേജുകള്‍ക്ക് ദയവായി ആരും മറുപടി അയക്കരുത്. ഇക്കാര്യം എന്റെ ശ്രദ്ധയില്‍ പെടുത്തിയ എല്ലാവര്‍ക്കും നന്ദി. മറ്റെല്ലാം നന്നായിരിക്കുന്നു.'
എന്നാണ് ഇന്‍സ്റ്റഗ്രാം അക്കൗണ്ട് ഹാക്ക് ചെയ്യപ്പെട്ടതിന് ശേഷം നസ്രിയ തന്റെ ഇന്‍സ്റ്റ പോസ്റ്റില്‍ കുറിച്ചത്.
ബോളിവുഡ് താരം തബുവിന്റെ ഇന്‍സ്റ്റ അക്കൗണ്ട് ഹാക്ക് ചെയ്തതിന് തൊട്ടു പിനാലെയാണ് ഈ വാര്‍ത്ത പുറത്തുവന്നത്.
ഇഷാ ഡിയോള്‍, വിക്രാന്ത് മാസി, ഉര്‍മിള മാടോണ്ട്കര്‍, സുസ്സാന്‍ ഖാന്‍, സുസ്മിത സെന്നിന്റെ മകള്‍ റെനി, കൊറിയോഗ്രാഫറും സംവിധായികയുമായ ഫറാ ഖാന്‍, സംവിധായകന്‍ ആനന്ദ് എല്‍. റായ്, ഗായകരായ ആശാ ഭോസ്ലെ, അങ്കിത് തിവാരി, തബു തുടങ്ങിയ കുറെയേറെ പ്രശസ്തര്‍ ഇങ്ങനെ അടുത്തകാലത്തായി സൈബര്‍ ആക്രമണത്തിനു വിധേയമായിട്ടുണ്ട്. ഇപ്പോഴിതാ നടി നസ്രിയയും.
