CNA
കൊച്ചി:
ഭാഷയും കവിതയുമെല്ലാം ജനങ്ങളുടെതാണ് വിശ്വസിച്ച് കര്മ്മരംഗത്ത് ഏറെ സജീവമായ എഴുപത്തിയേഴ് വസന്തങ്ങള് ജീവിതത്തില് പിന്നിട്ട കവിയും, ഗാനരചയിതാവും, തിരക്കഥാകൃത്തും സംവിധായകനുമായ പി ഭാസ്കരന് 2007 ഫെബ്രുവരി 25ന് ഈ ലോകത്തോട് വിട പറഞ്ഞിട്ട് ഇന്നേക്ക് പതിനാറ് വര്ഷം തികയുന്നു.
ഈ ഓര്മ്മദിനം മാഷിന്റെ വാക്കുകളാല് മനോഹരമാക്കുകയാണ് 'നീലവെളിച്ചം' സിനിമാ പ്രവര്ത്തകര്.
'കവിത്വം നിശ്ചയമായിട്ട് രചയിതാവിന് വേണ്ട ഒരു ഗുണമാണ്.
അതില്ലെങ്കില് എന്ത് ചെയ്താലും പ്രോസ് വൃത്തത്തിലാക്കിയ മാതിരി ഇരിക്കും.
അതിന് ആയുസ്സും ഉണ്ടാകില്ല.'
കാലാതീതമായി മലയാളിത്തത്തിന്റെ ലാളിത്യവും മഹത്ത്വവും ആഘോഷിക്കപ്പെടുന്ന, അദ്ദേഹം രചിച്ച അനശ്വരതയെ പുല്കിയ മികച്ച ഗാനങ്ങളില് ചിലതാണ് 'നീലവെളിച്ച'ത്തില് പുനര് ദൃശ്യവല്ക്കരിക്കുന്നത്.
'ഭാര്ഗ്ഗവീനിലയ'ത്തിന്റെ സംവിധായകനായ എ വിന്സെന്റ് മാസ്റ്ററിന്റെയും ഈ ചിത്രത്തില് അഭിനയിച്ച പ്രശസ്ത നടന് കുതിരവട്ടം പപ്പുവിന്റെയും ചരമ ദിനമാണിത്. ഈ ഓര്മ്മദിനത്തില് ആദരപൂര്വ്വം സ്മരണാഞ്ജലികള് അര്പ്പിക്കകയാണ് 'നീലവെളിച്ചം' സിനിമ പ്രവര്ത്തകര്.
വൈക്കം മുഹമ്മദ് ബഷീറിന്റെ 'ഭാര്ഗ്ഗവീനിലയം' എന്ന വിഖ്യാത തിരക്കഥയെ അടിസ്ഥാനമാക്കി പ്രശസ്ത താരങ്ങളായ ടൊവിനോ തോമസ്, റിമ കല്ലിങ്കല് എന്നിവരെ പ്രധാന കഥാപാത്രങ്ങളാക്കി ആഷിക് അബു സംവിധാനം ചെയ്യുന്ന ചിത്രമാണ് 'നീലവെളിച്ചം' കാലാതീതമായി സംഗീത മനസ്സുകളിലൂടെ പകര്ന്ന് ഇന്നും മറയാതെ കളിയാടുന്ന പ്രതിഭകളായ എം എസ് ബാബുരാജ്, പി ഭാസ്ക്കരന് ടീമിന്റെ ഏവരുടെയും ഹൃദയത്തില് പതിപ്പിച്ച, ഒരു കാലഘട്ടത്തെ ഓര്മ്മിപ്പിക്കുന്ന ആ ചിത്രത്തിലെ ഗാനങ്ങള് ഇതിന്റെ സാങ്കേതിക മികവില് സംഗീത സംവിധായകരായ ബിജിബാല്, റെക്സ് വിജയന് എന്നിവരുടെ നേതൃത്വത്തില് അവതരിപ്പിക്കുന്നു.
ഒ പി എം സിനിമാസിന്റെ ബാനറില് ആഷിഖ് അബു, റിമ കല്ലിങ്കല് എന്നിവര് ചേര്ന്ന് നിര്മ്മിക്കുന്ന ഈ ചിത്രത്തില് റോഷന് മാത്യുവും ഷൈന് ടോം ചാക്കോയും അഭിനയിക്കുന്നു.