സി എന്‍ എ-
കൊച്ചി:
ശെല്‍വരാഘവന്‍ തിരക്കഥയെഴുതി സംവിധാനം ചെയ്യുന്ന തമിഴ് ഹൊറര്‍ ചിത്രമാണ് 'നെഞ്ചം മറപതില്ലെ'. എസ്‌കേപ്പ് ആര്‍ട്ടിസ്റ്റ്‌സ് മോഷന്‍ പിക്‌ചേഴ്‌സ്, സൗത്ത് സൈഡ് സ്റ്റുഡിയോ, ജിഎല്‍ഒ സ്റ്റുഡിയോ എന്നിവര്‍ സംയുക്തമായി നിര്‍മ്മിച്ച ഈ ചിത്രത്തില്‍ എസ്. ജെ. സൂര്യ, റെജീന കസാന്ദ്ര, നന്ദിത ശ്വേത എന്നിവരാണ് അഭിനയിക്കുന്നത്. യുവന്‍ ശങ്കര്‍ രാജ സംഗീത സംവിധാനം നിര്‍വ്വഹിക്കുന്നു, ഛായാഗ്രഹണം- അരവിന്ദ് കൃഷ്ണ, എഡിറ്റിംഗ്- പ്രസന്ന ജി.കെ. ചിത്രം എവര്‍ & എവര്‍ റിലീസ് മാര്‍ച്ച് 5ന് തീയറ്ററുകളിലെത്തിക്കും. വാര്‍ത്ത പ്രചരണം- എ എസ് ദിനേശ്.
