എംഎം കമ്മത്ത്
കൊച്ചി:
'ആന്ഡ്രോയ്ഡ് കുഞ്ഞപ്പന്‍ വെര്‍ഷന്‍ 5.25' എന്ന ചിത്രത്തിലൂടെ ശ്രദ്ധേയനായ സംവിധായകന്‍ രതീഷ് ബാലകൃഷ്ണന്‍ പൊതുവാള്‍ കുഞ്ചാക്കോ ബോബനെ നായകനാക്കി സംവിധാനം ചെയ്യുന്ന പുതിയ ചിത്രത്തിന് പേരിട്ടു.
'ന്നാ, താന്‍ കേസ് കൊട്' എന്നാണ് ചിത്രത്തിന്റെ കൗതുകമുണര്‍ത്തുന്ന ടൈറ്റില്‍. കുഞ്ചാക്കോ ബോബന്‍ തന്റെ ഫേസ്ബുക്ക് പേജിലൂടെയാണ് ടൈറ്റില്‍ പോസ്റ്റര്‍ പുറത്തുവിട്ടത്.
'ന്നാ, താന്‍ കേസ് കൊട്'
എന്നാ പിന്നെ... രസകരമായ ഒരു കേസ്? അങ്ങ് കൊടുത്തേക്കാം, ല്ലേ !!!
രതീഷ് ബാലകൃഷ്ണന്‍ പൊതുവാള്‍, സന്തോഷ് ടി. കുരുവിള, ആഷിഖ് അബു, മധു നീലകണ്ഠന്‍, വിനയ് ഫോര്‍ട്ട്, സൈജു കുറുപ്പ്, ജാഫറിക്ക, ഗായത്രി ശങ്കര്‍ ....പിന്നെ ഞാനും !!!!
.....'ന്നാ, താന്‍ കേസ് കൊട്'.......
ഈ വര്‍ഷം തന്നെ കൊടുക്കും
From ANDROID version to NAADAN version.The curious case of some exciting talents!!!!!
ഇങ്ങനെയാണ് സിനിമയെക്കുറിച്ച് സോഷ്യല്‍ മീഡിയയില്‍ കുഞ്ചാക്കോ ബോബന്‍ പങ്കുവെച്ച കുറിപ്പില്‍ പറയുന്നത്.
സംവിധായകനും നിര്‍മ്മാതാവിനുമൊപ്പം നില്‍ക്കുന്ന ചിത്രം പങ്കുവച്ചുകൊണ്ട് കഴിഞ്ഞ മൂന്നിന് കുഞ്ചാക്കോ ബോബന്‍ ഈ പ്രോജക്ട് പ്രഖ്യാപിച്ചിരുന്നു. എന്നാല്‍ ഇന്നാണ് പേര് പ്രഖ്യാപിച്ചിരിക്കുന്നത്.
കുഞ്ചാക്കോ ബോബനൊപ്പം വിനയ് ഫോര്‍ട്ട് ഗായത്രി ശങ്കര്‍, സൈജു കുറുപ്പ്, ജാഫര്‍ ഇടുക്കി എന്നിവര്‍ പ്രധാന കഥാപാത്രങ്ങളെ അവതരിപ്പിക്കും. സന്തോഷ് ടി കുരുവിളയും ആഷിക് അബുവും ചേര്‍ന്നാണ് ചിത്രത്തിന്റെ നിര്‍മ്മാണം. 'ആന്ഡ്രോയ്!ഡ് കുഞ്ഞപ്പന്റെ' നിര്‍മ്മാണവും സന്തോഷ് ടി കുരുവിള ആയിരുന്നു.
സിനിമയുടെ ചിത്രീകരണം ഉടന്‍ ആരംഭിക്കും.
Online PR-CNA
