CNA
കൊച്ചി:
ജോഷി മാത്യു സംവിധാനം ചെയ്ത 'നൊമ്പരക്കൂട്' ജൂണ്‍ 2ന് കേരളത്തിലെ പ്രമുഖ തീയേറ്ററുകളില്‍ പ്രദര്‍ശനത്തിന് എത്തുന്നു.
സിവിലിയന്‍ പ്രൊഡക്ഷന്‍സ് & നവയുഗ് ഫിലിംസാണ് ഈ ചിത്രം നിര്‍മ്മിക്കുന്നത്.
കേണല്‍ ഗീവര്‍ഗീസ് മാത്തന്‍ ആര്‍മി ജീവിതത്തില്‍ നിന്നും വിട വാങ്ങി ശിഷ്ട ജീവിതം സമാധാനപരമായി മുന്നോട്ടു കൊണ്ടു പോകണമെന്ന് ആഗ്രഹിച്ച ഒരു വ്യക്തിയാണ്.
പ്രായം മുന്നോട്ട് ഓടിയപ്പോള്‍ രോഗബാധിതനായി. അസ്വസ്ഥതകളും വേദനകളുമായിരുന്നു പിന്നെ കൂട്ട്. കൂടെപ്പിറപ്പുകളുടെ പോലും സഹായം പ്രതീക്ഷിച്ചപോലെ ഉണ്ടായില്ല.
ആര്‍മിയില്‍ ഉദ്യോഗ രംഗത്ത് യുദ്ധം പൊട്ടിപ്പുറപ്പെട്ടപ്പോള്‍ നിറയെ യുദ്ധ തന്ത്രങ്ങള്‍ മെനഞ്ഞ ഒരു പോരാളി ആയിരുന്നിട്ടും ഇന്നത്തെ സാഹചര്യത്തില്‍ തന്ത്രങ്ങള്‍ ഒന്നും തന്നെ വിലപ്പോവുന്ന അവസ്ഥയില്‍ അല്ലായിരുന്നു.
ആ യാതനകള്‍ പക്ഷെ പുറം ലോകം അറിഞ്ഞിരുന്നില്ല. എന്നാല്‍ ലണ്ടനിലുള്ള പേരക്കുട്ടി മുത്തച്ഛന്റെ വേദനകള്‍ അറിഞ്ഞിരിക്കുന്നു.
കൗമാരക്കാരിയായ ആ പെണ്‍കുട്ടി പറന്നെത്തി. അവള്‍ മുത്തച്ഛന് സ്‌നേഹം നല്‍കി. മരുന്നും ചികിത്സയും നല്‍കി. ഹൃദയബന്ധത്തിന്റെ ഊര്‍ജ്ജം ആര്‍ജവം അതെല്ലാം നല്‍കി.
കേണല്‍ ഇനി പഴയ ജീവിതത്തിലേക്ക് തിരിച്ചു വരുമോ...?
ആ കഥയാണ് ജോഷിമാത്യു നൊമ്പരക്കൂടിലൂടെ പറയുന്നത്.
ഗീവര്‍ഗീസ് ആയി സോമു മാത്യുവും പേരക്കുട്ടി നീതുവായി പുതുമുഖം ഹര്‍ഷിദയും അഭിനയിക്കുന്നു.
സുജാതന്‍, ഹരിലാല്‍, ബിനോയ് വേളൂര്‍, സഞ്ജു ജോഷി മാത്യു, സാജന്‍, ജോസ് കല്ലറക്കല്‍. ഉൃ. അനീസ് മുസ്തഫ., സുരേന്ദ്രന്‍ കുറവിലങ്ങാട്, ഉൃ. സഞ്ജു നെടുംകുന്നേല്‍.., ദേവ നന്ദിനി കൃഷ്ണ, അനീഷ അനീഷ്, ഉൃ. സ്മിത പിഷാരടി, മഞ്ജു ഷെറിന്‍, ബിന്‍സി ജോബ്, ജയശ്രീ, ദേവിക ലാലു, ജിന്‍സി, ഒറവക്കല്‍ ലൈല, ബേബി ഭദ്ര പ്രിയ എന്നിവരാണ് മാറ്റഭിനേതാക്കള്‍.
കഥ, തിരക്കഥ, സംഭാഷണം, സംവിധാനം- ജോഷി മാത്യു. ക്യാമറ ജോബിന്‍ ജോണ്‍. ക്രീയേറ്റീവ് കോണ്‍ട്രിബൂട്ടര്‍ & ചീഫ് അസോസിയേറ്റ് ഡയറക്ടര്‍- അനില്‍ മാത്യു. ലൈറ്റിങ് കോണ്‍ട്രിബൂഷന്‍- രാജേഷ് പീറ്റര്‍, എഡിറ്റിംഗ്- ഷാജു എസ്. ബാബു, ഗാനങ്ങള്‍- സ്മിത പിഷാരടി, സംഗീതം- ജയ്, കലാ സംവിധാനം & പ്രൊഡക്ഷന്‍ കണ്‍ട്രോളര്‍- ജി. ലക്ഷ്മണന്‍ മാലം, ഗായകന്‍- നിഖില്‍ മാത്യു, അസോസിയേറ്റ് ഡയറക്ടര്‍- അനൂപ്. കെ. എസ്., അസിസ്റ്റന്റ് ഡയറക്ടര്‍- ജോസ് കല്ലറക്കല്‍, മഹേശ്വര്, അഭിഷേക്. മേക്കപ്പ് പട്ടണം- റഷീദ്, സുരേഷ് ചമ്മനാട്, കോസ്റ്റ്യൂംസ്- രാജി അശോക്, സ്റ്റില്‍സ്- ജിമ്മി കമ്പല്ലൂര്‍, ജി. ഗോവിന്ദ രാജ് മാലം, നിര്‍മ്മാതാക്കള്‍- സോമു മാത്യു, നെവിന്‍ മൈക്കിള്‍.
