CNA
കണ്ണൂര്:
ഉത്തര കേരളത്തിന്റെ പ്രധാന കേന്ദ്രമായ കണ്ണൂര് നഗരത്തിന്റെ പൊന് തൂവലായ പയ്യാമ്പലം ബീച്ച് നിറപ്പകിട്ടാര്ന്ന ഒരു സായംസന്ധ്യയെ വരവേറ്റു.
ഇക്കഴിഞ്ഞ മാര്ച്ച് മുപ്പത്തി ഒന്ന് വൈകുന്നേരം ഏഴുമണിയോടെയാണ് കണ്ണര് നിവാസികള് ഇവിടേക്ക് കുടുംബത്തോടെ എത്തിച്ചേര്ന്നത്. അവര്ക്ക് മനം നിറയെ ആസ്വദിക്കാനുള്ള ഒരു വിരുന്ന് സമ്മാനിക്കുകയായിരുന്നു.
മലയാള സിനിമയിലെ പുതിയ തലമുറയിലെ ശ്രദ്ധേയനായ സംവിധായകന് ഒമര് ലുലു തന്റെ 'പവര് സ്റ്റാര്' എന്ന പുതിയ ചിത്രത്തിന്റെ ആരംഭം കുറിക്കുന്ന ചടങ്ങാണ് ഇവിടെ അരങ്ങേറിയത്.
സിനിമയുടെ സ്ഥിരം വ്യാകരണ ചട്ടങ്ങുകളില് നിന്നും തികച്ചും വ്യത്യസ്ഥമായ ഒരു തുടക്കമാണ് ഒമര് ലുലു ഇവിടെ സംഘടിപ്പിച്ചത്.
ഈ ചിത്രത്തിന്റെ ടാഗ് ലൈനില് തന്നെ 'മാസ് ആക്ഷന് ചിത്രം' എന്നാണ് ചേര്ത്തിരിക്കുന്നത്. അതുപോലെ തന്നെ ഒരു മാസ് തുടക്കമാണ് ജനപങ്കാളിത്തത്തോടെ അവതരിപ്പിച്ചത്.
നര്മ്മ മുഹൂര്ത്തങ്ങളിലൂടെ ഹൃദ്യമായ കുടുംബകഥകള് അവതരിപ്പിച്ച് വിജയം വരിച്ചു പോന്ന ഒമര് വിശാലമായ ക്യാന്വാസില് ഒരു മാസ് ആക്ഷന് സിനിമയാണ് ഈ ചിത്രത്തിലൂടെ അവതരിപ്പിക്കുന്നത്.
ബാബു ആന്റെണിയാണ് ഈ ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്.
കണ്ണൂര് കോര്പ്പറേഷന് ചെയര്മാന് അഡ്വ. ടി.ഒ. മോഹനന്് മുഖ്യാതിഥിയായി പങ്കെടുത്ത ചടങ്ങില് ഈ ചിത്രത്തിലെ അഭിനേതാക്കളും അണിയറ പ്രവര്ത്തകരും അണിനിരന്നു.
സ്വിച്ചോണ് കര്മ്മം പ്രേക്ഷകരിലൂടെ...
വലിയൊരു പുതുമസൃഷ്ടിച്ചു കൊണ്ടാണ് ഈ ചിത്രത്തിന്റെ സ്വിച്ചോണ് കര്മ്മം നിര്വ്വഹിക്കപ്പെട്ടത്.
ഇവിടെ സന്നിഹിതരായ അയിരക്കണക്കിന് ജനങ്ങള് ഫ്ളാഷ് ബള്ബ് തെളിയിച്ചാണ് ഈ ചടങ്ങ് നിര്വ്വഹിച്ചത്.
ബാബു ആന്റേണി ഫസ്റ്റ് ക്ലാപ്പും നല്കി.
അബു സലിം, ബിനീഷ് ബാസ്റ്റ്യന്, ശാലു റഹിം, ദിവ്യ, അമീര് നിയാസ്, ഛായാഗ്രാഹകന് സീനു സിദ്ധാര്ത്ഥ്, എഡിറ്റര് ജോണ് കുട്ടി, ദാസ് കോഴിക്കോട്, കലാസംവിധായകന് ജിത്തു സെബാസ്റ്റ്യന്, ആക്ഷന് ലിബിന് മോഹന്, കോറിയോഗ്രാഫര് ദിനേശ് കാശി നിരവധി അണിയറ പ്രവര്ത്തകരും വേദി പങ്കിട്ടു.
തന്റെ അടുത്ത ചിത്രത്തിന്റെ തിരക്കഥ രചിക്കുന്ന നജീം കോയക്ക് സംവിധായകന് ഒമര് ലുലു ഉപഹാരം നല്കി ആദരിച്ചു.
ഡെന്നിസ് ജോസഫിന്റെ തിരക്കഥ...
മലയാള സിനിമക്ക് കലാപരമായും സാമ്പത്തികവുമായ നിരവധി ചിത്രങ്ങള്ക്ക് തിരക്കഥ ഒരുക്കുകയും ദൃശ്യമാധ്യമ രംഗത്ത് പല പുതുമകളും സമ്മാനിച്ചിട്ടുള്ള, പ്രശസ്ത തിരക്കഥാകൃത്ത് അകാലത്തില് വേര്പെട്ടു പോയ ശ്രീമാന് ഡെന്നിസ് ജോസഫാണ് ഈ ചിത്രത്തിന്റെ തിരക്കഥ രചിച്ചിരിക്കുന്നതെന്നത്. ഈ ചിത്രത്തിന്റെ തിരക്കഥ പൂര്ത്തിയാക്കിയതിനു ശേഷമയിരുന്നു ഡെന്നിസ് ജോസഫ് നമ്മെ വിട്ടു പോകുന്നത്.
എന്നും വിസ്മയങ്ങള് മാത്രം സമ്മാനിച്ചിട്ടുള് ഡെന്നിസ് ജോസഫിന്റെ തിരക്കഥയില് ഒരു ചിത്രം സംവിധാനം ചെയ്യുകയെന്നത് തന്റെ ജീവിതത്തിലെ ഏറ്റവും വലിയ മോഹമായിരുന്നുവെന്ന് ഒമര് ലുലു വേദിയില് പറഞ്ഞു. അദ്ദേഹത്തിന്റെ അസാന്നിദ്ധ്യത്തിലാണങ്കിലും ഈ മോഹം സാക്ഷാത്ക്കരിക്കുവാന് ഇടയായതില് ഏറെ സന്തോഷമുണ്ടന്ന് ഒമര് വ്യക്തമാക്കി.
റോയല് സിനിമാസ് & ജോയ് മുഖര്ജി പ്രൊഡക്ഷന്സ്:
'മാസ്റ്റര് പീസ്' എന്ന മെഗാ ചിത്രത്തിലൂടെ മലയാള സിനിമയില് അരങ്ങേറിയ റോയല് സിനിമാസും ബോളിവുഡ്ഡിലെ പ്രശസ്ത നിര്മ്മാണക്കമ്പനിയായ ജോയ് മുഖര്ജി പ്രൊഡക്ഷന്സ്റ്റും ചേര്ന്നാണ് ഈ ചിത്രം നിര്മ്മിക്കുന്നത്.
ബോളിവുഡ്ഡിലെ പ്രശസ്ത നടനായ ജോയ് മുഖര്ജിയുടെ മകന് സുജോയ് മുഖര്ജിയുടെ നേതൃത്തിലാണ് ജോയ് മുഖര്ജി കമ്പനി.
അജയ് വാസുദേവ്, ശ്യാമപ്രസാദ് എന്നിവരാണ് ഈ കമ്പനിയുടെ അടുത്ത ചിത്രങ്ങള് സംവിധാനം ചെയ്യുന്നതെന്ന് റോയല് സിനിമസ് ഉടമ സി.എച്ച്. മുഹമമദ് പറഞ്ഞു.
'കേരളം മനോഹരമാണ്... അതുപോലെ മലയാള സിനിമയും.
റോയല് സിനിമാസുമായി ജോയിന് ചെയ്ത് ഇനിയും മലയാള സിനിമകള് ചെയ്യും' എന്ന് സുജോയ് മുഖര്ജി വേദിയില് പറഞ്ഞു.
മലയാളത്തിലെ പ്രമുഖ താരങ്ങളും തമിഴ്, തെലുങ്ക്, ബോളിവുഡ്, താരങ്ങളും ഈ ചിത്രത്തിലണിനിരക്കുന്നു. കണ്ണര്, വയനാട്, കൊച്ചി, മുംബൈ എന്നിവിടങ്ങളിലായി ഈ സിനിമയുടെ ചിത്രീകരണം പൂര്ത്തിയാകും. പ്രശസ്ത ഡി.ജെ. സാവിയോയുടെ സംഗീത നിശയോടെയാണ് ഈ ചടങ്ങ് സമാപിച്ചത്.
- വാഴൂര് ജോസ്.
ഫോട്ടോ- അജ്മല്.
Online PR - CinemaNewsAgency.Com