സ്വന്തം ലേഖകന്-
കൊച്ചി :
വാഷിംഗ്ടണ് ഡിസി ചലച്ചിത്ര സംഘടനകളുടെ കൂട്ടായ്മയായ ഡിസി എസ് എ എഫ് എഫ് സൗത്ത് ഏഷ്യന് ഫിലിം ഫെസ്റ്റിവലില് 2019ലെ മികച്ച ചിത്രമായി മലയാളത്തില് നിന്നുള്ള 'ഒരു നക്ഷത്രമുള്ള ആകാശം' തിരഞ്ഞെടുക്കപ്പട്ടു.
ഗ്രാമത്തിലെ ഒരു സ്കൂളും യുവതിയായ ഒരുഅധ്യാപികയും അവളുടെ പ്രണയവും ജീവിതവും സമകാലിക സാമൂഹിക പ്രശ്നങ്ങളു മെല്ലാം വളരെ ഭംഗിയായി ചിത്രീകരിച്ചിരിക്കുന്ന സിനിമയാണ് ഒരു നക്ഷത്രമുള്ള ആകാശം.
അപര്ണ ഗോപിനാഥ് കേന്ദ്രകഥാപാത്രത്തെ അവതരിപ്പിചിരിക്കുന്ന സിനിമയില് ഗണേഷ് കുമാര്, ലാല്ജോസ്, സന്തോഷ് കീഴാറ്റൂര്, ജാഫര് ഇടുക്കി, ഉണ്ണിരാജന്, നെടുമങ്ങാട് അനില്, സേതുലക്ഷ്മി, നിഷാ സാരംഗ് പുതുമുഖം പ്രാജ്ജ്യോത് പ്രദീപ്, ബാലതാരം എറിക് സക്കറിയ എന്നിവരാണ് അഭിനേതാക്കള്. മലബാര് മൂവി മേക്കേഴ്സിന്റെ ബാനറില് എം വി കെ പ്രദീപ് നിര്മ്മിച്ച സിനിമ സനീഷ് ബാബുവും അജിത് പുലരിയും ചേര്ന്നാണ് സംവിധാനം ചെയ്തത്. ചായാഗ്രഹണം- സജിത് പുരുഷന്, പ്രൊഡക്ഷന് എക്സിക്യൂട്ടീവ്- മധു തമ്മനം.